YOUNGO توبى بۇرىننان وسى ماقساتتا جۇمىس ىستەپ كەلەءدى. قاجەت بولسا, كومەك كورسەتەدى. باستىسى, جاستاردىڭ كليماتتىق وزگەرىستەرگە قاتىستى ۇسىنىستارىن نازارعا الادى. حالىقارالىق, ۇلتتىق دەڭگەيدەگى جوبالاردى ۇيلەستىرەدى. وسى جولعى كونفەرەنتسياعا دا حالىقارالىق ۇيىمدار, مەملەكەتتىك ورگاندار قولداۋ كورسەتكەن. ءىس-شارا سوڭىندا ۇيىمداستىرۋشىلار ەل جاستارى اتىنان ۇسىنىس قۇجاتىن ازىرلەپ, YOUNGO-عا جولدايدى.كەيىن ەلدەگى ۇيىمدارمەن, سەرىكتەستەرمەن سول قۇجات اياسىندا جۇمىس ىستەيدى. LCOY Kazakhstan ۇلتتىق جاستار كليماتتىق كونفەرەنتسياسىن ۇيىمداستىرۋشىلاردىڭ ءبىرى – ارۋجان قاپاروۆا.
ء«بىز جاستاردىڭ كليماتتىق ساياساتقا ارالاسۋىنا بارىنشا ىقپالداسقىمىز كەلەدى. بۇگىنگى كونفەرەنتسيانىڭ ەكىنشى سەسسياسىنا بىرنەشە مينيسترلىكتىڭ وكىلدەرى كەلىپ, جاستارمەن پىكىرلەسەدى. كليماتتىق وزگەرىستەردى, وعان بەيىمدەلۋ جولدارىن تالقىلايدى. وسىلايشا, جاستار كليماتتىق وزگەرىستەرگە قاتىستى ماسەلەلەردى حالىقارالىق ساراپشىلارمەن قاتار مەملەكەتتىك ورگان وكىلدەرىمەن بىرگە سارالايدى. باسقوسۋعا ءوڭىرلەردەن وسى باعىتتا جۇمىس ىستەپ كەلە جاتقان بەلسەندى جاستاردى شاقىردىق. ولار ءوز جوبالارىن, ۇسىنىستارىن ورتاعا تاستايدى. مۇنداعى ماقساتىمىز – بءىزدىڭ, جاستاردىڭ داۋسىن مەملەكەتتىك, حالىقارالىق ۇيىمدار ەستىسىن دەگەن نيەت. جاستار كليماتتىق وزگەرىستەرگە, ساياساتقا قازىردەن ارالاسسا, كەلەشەكتە جەمىسىن كورەدى», دەيدى ا. قاپاروۆا.
باسقوسۋعا نازارباەۆ ۋنيۆەرسيتەتىنەن بولەك, نارحوز ۋنيۆەرسيتەتىنىنەن, بىرىككەن ۇلتتار ۇيىمىنىڭ بالالار قورىنان, يۋنەسكو-نىڭ الماتى قالاسىنداعى وڭىرلىك كەڭسەسىنەن, بۇۇ دامۋ باعدارلاماسىنان, ەلدەگى فريدريح-ەبەرت قورىنان جانە باسقا دا حالىقارالىق, مەملەكەتتىك ۇيىمداردان قوناقتار كەلدى. بايانداماشىلار تاقىرىپقا قاتىستى وزەكتى پىكىرلەرىن, ۇسىنىستارىن ايتتى. سونىڭ ىشىندە Nazarbayev University-ءدىڭتۇراقتى دامۋ جونىندەگى ديرەكتورى, پروفەسسور قانات بايعارين كليماتتىق وزگەرىستەرگە قاتىستى ناقتى شەشىم قابىلدايتىن كەزەڭ الدەقاشان جەتكەنىن العا تارتتى.
«1990 جىلعا دەيىن-اق عالىمدار جەر شارىندا كليماتتىق وزگەرىستەر بايقالىپ جاتقانىن مالىمدەدى. سودان ون جىلدا عىلىمي-زەرتتەۋ جۇمىستارىن جۇرگىزىپ, جاھاندىق كليماتتىق وزگەرىستەردىڭ شىن مانىندە بولىپ جاتقانىن راستادى. وسىدان كەيىن ادامزات كليماتتىق وزگەرىستەردى حالىقارالىق دەڭگەيدە تالقىلاي باستادى. بيىل كليماتتىق وزگەرىستەرگە قاتىستى COP-30 حالىقارالىق كونفەرەنتسياسى وتكەلى وتىر. ياعني, بۇل كونفەرەنتسيا 30-شى مارتە ۇيىمداستىرىلادى. وسى ءىس-شارا ارقىلى تاقىرىپ حالىقارالىق دەڭگەيدە تالقىلانىپ كەلەدى. سوندىقتان قازىرگى جاستار الدىڭعى تولقىن, اعا بۋىن كليماتتىق وزگەرىستەرگە توتەپ بەرە الماعانىن ءتۇسىنۋى كەرەك. سەبەبى ءبىز تاقىرىپتى 30 جىل تالقىلاۋمەن كەلدىك. 1995 جىلى COP-تىڭءبىرىنشى كونفەرەنتسياسى ءوتتى. سول كەز كليماتتىق وزگەرىستەرگە قاتىستى كونۆەنتسيا قابىلداندى. كليمات ءالى وزگەرىپ جاتىر. ءبىز وسى تاقىرىپتى تەك ايتۋمەن شەكتەلمەۋىمىز كەرەك. مەن ءوءزىم دە مەملەكەت باسشىسىنىڭ تاپسىرماسىمەن ءىرى حالىقارالىق ءىس-شارالارعا ەل اتىنان تالاي قاتىستىم. ەندى سوزدەن ىسكە كوشەتىن كەزەڭ كەلدى. جاستار وسىنى تۇسىنسە ەكەن دەيمىن», دەدى ق. بايعارين تاقىرىپتىڭ ءبىز ويلاعاننان دا سالماقتى ەكەنىن ۇقتىرىپ.
ەندى كونفەرەنتسيا قورىتىندىسى بويىنشا ەلجاستارىنىڭ اتىنان جاستاردىڭ كليمات بويىنشا ۇلتتىق مالىمدەمەسى ازىرلەنەدى. ول قۇجات COP-30 كونفەرەنتسياسىندا ۇسىنىلادى.
