فوتو: اشىق دەرەككوز
ەل بويىنشا بەينەباقىلاۋ جۇيەسى قارقىندى دامىپ كەلەدى. قازىرگى تاڭدا 19 مىڭنان استام كامەرا جاساندى ينتەللەكت مۇمكىندىكتەرىمەن جابدىقتالعان. ولار بەينەلەر ارقىلى بەت-الپەتتى تانۋعا, قاراۋسىز قالعان زاتتاردى انىقتاۋعا, ءتىپتى كولىك اعىندارىن تالداۋعا قابىلەتتى. بۇل جۇيەلەردىڭ جەدەل باسقارۋ ورتالىقتارىمەن ينتەگراتسياسى وقيعا ورىن العان ساتتە ناقتى ۋاقىت رەجيمىندە جەدەل ارەكەت ەتۋگە جول اشادى.
سونىمەن قاتار پوليتسيا قىزمەتكەرلەرى زاماناۋي پلانشەتتەرمەن جانە سمارت-جەتوندارمەن قامتاماسىز ەتىلىپ جاتىر. مۇنداي جاڭاشىلدىقتار ولاردىڭ قىزمەت تيىمدىلىگىن ارتتىرىپ, جاعدايعا دەر كەزىندە جاۋاپ قايتارۋىنا مۇمكىندىك بەرەدى.
سونىمەن قاتار ازاماتتارعا قولايلى بولۋ ءۇشىن «102» ءموبيلدى قوسىمشاسى ىسكە قوسىلدى. بۇدان بولەك, eGovMobile جانە ەكىنشى دەڭگەيلى بانكتەردىڭ قوسىمشالارىندا «زاڭ جانە ءتارتىپ» قىزمەتى پايدا بولدى. ەندى كەز كەلگەن ازامات قۇقىق بۇزۋشىلىق تۋرالى اقپاراتتى ء«بىر باتىرما» ارقىلى جولداپ, قوعام مەن قۇقىق قورعاۋ ورگاندارى اراسىنداعى بايلانىستى جەڭىلدەتە الادى.
«الاياقتاردىڭ 2,2 ملرد تەڭگەنى الىپ قويۋىنا توسقاۋىل قويىلدى. سونىمەن قاتار ازاماتتاردىڭ قۇقىقتىق جانە قارجىلىق ساۋاتتىلىعى دا ارتىپ كەلەدى», دەدى ەرجان سادەنوۆ.
