بامبۋك وسىرگەن قاريا

كوكتەم وڭتۇستىككە ەرتە كەلەدى. «اق كيىمدى, دەنەلى, اق ساقالدى, سوقىر, مىلقاۋ تانىماس ءتىرى جاندى», دەپ ۇلى اقىن ايتاتىن قىس مۇندا جوق. بولسا دا قوياننىڭ قۇيرىعىنداي شولاق. سودان با, تروپيكالىق وسىمدىك­تەر دە وڭتۇستىكتىڭ توپىراعىن جەرسىنە باستادى. ليمون, انار, بانان ءوسىرۋ تۇك بولماي قالدى. سارىاعاش پەن سايرام اۋدان­دارىندا ەكى شارۋا وسى جەمىستەردى ءوسىرىپ, ماۋەسىن جەپ ءجۇر. ال كەنتاۋ قالاسىنىڭ حانتاعى اۋىلىنىڭ تۇرعىنى راحيپ زاينۋتدينوۆ جەتى جىلدان بەرى بامبۋك وسىرەدى. شىمكەنتكە ءبىر بارعاندا بازاردان تۇقىمىن كورىپ, اۋەستىكپەن ساتىپ العان ەكەن. سولقىلداعان بامبۋك كۇزگە دەيىن جەتى-سەگىز مەتر­دەن اسىپ ءوسىپ كەتەدى. را­حيپ قاريا ونى باقشاداعى كوك­ونىستەرىنىڭ ساباعى جەرگە قۇلاماس ءۇشىن قادا رەتىندە پايدالاناتىن بولىپتى. سودان كەيىن ءۇي توبەسىن جابۋعا پايدالانعان. قورشاۋ جاساپ, شار­باق توقۋعا دا تاپتىرمايدى ەكەن. كەرەك تاستىڭ اۋىرلىعى جوق دەگەن. سولتۇستىكتىڭ ادامدارى كينو­دان, كىتاپتان عانا كورە­تىن بامبۋگىڭىز وسىلايشا شىم­كەنت­تەگى شارۋانىڭ كادەسىنە جاراپ تۇر. باقتيار تايجان, «ەگەمەن قازاقستان». وڭتۇستىك قازاقستان وبلىسى.