فوتو: سينحۋا
قوناقتار قاتارىندا – قازاقستان پرەزيدەنتى قاسىم-جومارت توقاەۆ, بەلارۋس, ازەربايجان, يران, قىرعىزستان, وزبەكستان, تاجىكستان, تۇرىكمەنستان, يندونەزيا, رەسەي مەملەكەت باسشىلارى, سونداي-اق ارمەنيا, مالايزيا, پاكىستان, سلوۆاكيا جانە باسقا دا ەلدەردىڭ پرەمەر-مينيسترلەرى بار. شاراعا سونداي-اق كحدر جەتەكشىسى كيم چەن ىن قاتىسادى.
كيم چەن ىن ءۇشىن بۇل كوپجاقتى حالىقارالىق كەزدەسۋگە العاش رەت قاتىسۋ بولماق.
بەيسەنبى كۇنى وتكەن ءباسپاسوز كونفەرەنتسياسىندا قىتاي سىرتقى ىستەر مينيسترلىگىنىڭ وكىلى كحدر-عا كوپجىلدىق ء«داستۇرلى دوستىعى» ءۇشىن العىس ءبىلدىرىپ, ەكى ەلدىڭ «ايماقتاعى بەيبىتشىلىك پەن تۇراقتىلىق جولىندا» ىنتىماقتاستىقتى جالعاستىراتىنىن ايتتى.
اقش پرەزيدەنتى دونالد ترامپ بۇل شاراعا قاتىسپايدى, الايدا وسى اپتا باسىندا ول كحدر باسشىسىمەن كەزدەسۋگە دايىن ەكەنىن مالىمدەگەن.
31 تامىز بەن 1 قىركۇيەك ارالىعىندا قىتايدىڭ تيانتسزين قالاسىندا شانحاي ىنتىماقتاستىق ۇيىمىنىڭ ءسامميتى وتەدى. وعان 20-دان استام ەلدىڭ كوشباسشىلارى مەن 10 حالىقارالىق ۇيىمنىڭ باسشىلارى قاتىسادى.
3 قىركۇيەكتە بەيجىڭدەگى تيانانمەن الاڭىندا ەكىنشى دۇنيەجۇزىلىك سوعىستىڭ اياقتالۋىنىڭ 80 جىلدىعىنا ارنالعان اسكەري پاراد وتەدى. وندا قىتاي وزدەرىنىڭ ەڭ جاڭا قارۋلارىن, سونىڭ ىشىندە گيپەردىبىستى زىمىراندار مەن ۇشقىشسىز جۇيەلەردى كورسەتەدى. ەلدىڭ قارۋلى كۇشتەرىنىڭ جاڭا قۇرىلىمى العاش رەت تولىق قۇرامدا تانىستىرىلادى.
بۇعان دەيىن قاسىم-جومارت توقاەۆتىڭ قىتاي حالىق رەسپۋبليكاسىنا رەسمي ساپارمەن باراتىنىن حابارلاعان ەدىك.
