قايسار سۇلتانباەۆتىڭ مالىمدەۋىنشە, جول اپاتتارىنان كوز جۇمعان بالالاردىڭ كوپشىلىگى كولىك ىشىندە جولاۋشى رەتىندە بولعان. قالعان بولىگى — جاياۋ جۇرگىنشىلەر, ساموكات, ۆەلوسيپەد جانە موپەد جۇرگىزۋشىلەرى.
«كوپتەگەن جاعدايلاردا اپاتقا ەرەسەكتەردىڭ جول قوزعالىسى ەرەجەلەرىن ساقتاماۋى سەبەپ بولعان. كەيبىر بالالار كولىكتە قاۋىپسىزدىك بەلدىگىن تاقپاعان. سونىمەن قاتار, جولدى رۇقسات ەتىلمەگەن جەردەن كەسىپ ءوتۋ, ءتىپتى كەيدە باعدارشامنىڭ قىزىل شامىنا قاراماستان ءوتۋدىڭ سالدارىنان دا قايعىلى جاعدايلار ورىن العان. سوندىقتان بالالارعا جولدا مۇقيات بولۋدىڭ ماڭىزىن ۇنەمى ءتۇسىندىرىپ وتىرۋ قاجەت. اسىرەسە, جولعا شىعار الدىندا كولىكتىڭ تولىق توقتاعانىنا كوز جەتكىزۋى ءتيىس», دەدى ول.
بالالار قاۋىپسىزدىگىن ارتتىرۋ ماقساتىندا ىشكى ىستەر مينيسترلىگى مەكتەپ باعدارلاماسىنا جول قوزعالىسى ەرەجەلەرىن جەكە ءپان رەتىندە قوسۋدى ۇسىنىپ وتىر.
«مەكتەپتەردە بالالاردىڭ ءومىرى مەن قاۋىپسىزدىگىن ساقتاۋ ءۇشىن جقە ءپانىن مىندەتتى ساباق رەتىندە ەنگىزۋ ۇسىنىلۋدا», دەپ ناقتىلادى سۇلتانباەۆ.
ايتا كەتەيىك, بۇعان دەيىن قازاقستاندا كولىك قوزعالىسىنىڭ جىلدامدىعىن تومەندەتۋ ماسەلەسى قاراستىرىلىپ جاتقانى حابارلانعان بولاتىن.
