فوتو: اشىق دەرەككوز
رەسمي مالىمەتكە سايكەس, الداعى كۇندەرى ايماقتا قاتتى جاۋىن جاۋىپ, سۋ دەڭگەيىنىڭ كۇرت كوتەرىلۋ قاۋپى بار. وسىعان وراي بەيجىڭ-تيانتسزين-حەبەي وڭىرىندە قاۋىپسىزدىك شارالارى كۇشەيتىلگەن.
26-28 تامىز ارالىعىندا جاۋىن-شاشىننىڭ مول ءتۇسۋى شاعىن جانە ورتا وزەندەردە سۋ باسۋ ىقتيمالدىعىن ارتتىرادى. قاۋىپسىزدىكتى قامتاماسىز ەتۋ ءۇشىن بەيجىڭدە 60 مىڭداي تۇرعىن باسقا جەرگە كوشىرىلىپ, تاۋلى ايماقتاعى دەمالىس ورىندارى ۋاقىتشا جابىلعان.
سونىمەن قاتار, ءۇش مىڭنان استام قۇرىلىس نىسانىندا جۇمىستار توقتاتىلىپ, تابيعي اپاتتىڭ سالدارىمەن كۇرەسكە 200 مىڭ كوممۋنالدىق قىزمەتكەر جۇمىلدىرىلعان.
بۇعان دەيىن, 26 شىلدەدەن باستاپ بەيجىڭدە تولاسسىز جاۋىن جاۋىپ, ول سۋ تاسقىنىنا اكەلگەن ەدى. 28 شىلدەدە قىزىل دەڭگەيلى ەسكەرتۋ جاريالانىپ, حالىققا ۇيدەن شىقپاۋ ۇسىنىلعان. 29 شىلدەدەگى سوڭعى دەرەكتەرگە قاراعاندا, سۋ تاسقىنى سالدارىنان 30 ادام كوز جۇمعان.
جالپى, شىلدە ايىنداعى نوسەردىڭ كەسىرىنەن 82 مىڭنان استام استانالىق ەۆاكۋاتسيالانعان بولاتىن.
