گەرمانيا ۇكىمەتى ۋاكىلىمەن اڭگىمە

كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ گەرمانيانىڭ 2016 جىلى ەقىۇ-عا توراعالىق ەتۋ ماسەلەلەرى, سونداي-اق, رەسەي, ورتالىق ازيا جانە شىعىس ارىپتەستىگىنىڭ ەلدەرىمەن ىنتىماقتاستىق جونىندەگى گفر فەدەرالدى ۇكىمەتىنىڭ ۋاكىلى, بۇرىنعى مەملەكەتتىك سىرتقى ىستەر ءمينيسترى گەرنوت ەرلەردى قابىلدادى. سەنات توراعاسى 2016 جىلى ەقىۇ توراعاسى لاۋازىمىنا سايلانۋىمەن گەرمانيانى قۇتتىقتادى جانە الەمگە جانە قاۋىپسىزدىكتىڭ قيىن ۋاقىتىندا ۇيىم الدىندا تۇرعان وزەكتى ماسەلەلەردى شەشۋگە گفر قوماقتى ۇلەس قوساتىنىنا سەنىم ءبىلدىردى. ق.توقاەۆتىڭ پىكىرىنشە, زور ەكونوميكالىق الەۋەتكە جانە حالىقارالىق بەدەلگە يە گەرمانيا توراعا رەتىندە ەقىۇ-نى نىعايتۋ ءۇشىن كوپتەگەن شارالار اتقارا الادى. باستى ماسەلەلەرىنىڭ ءبىرى ۋك­راين شيەلەنىستەرى بولعان تاياۋ­داعى ميۋنحەن قاۋىپسىزدىك كومي­تە­تىنىڭ ناتيجەلەرىن تالقىلاعان جۇزدەسۋشىلەر «مينسك-2» كەلى­سىمدەرىن ورىنداۋ قاجەتتىگىن كول­دەنەڭ تارتتى. ق.توقاەۆ ۋكراي­ناداعى داعدارىس جاعدايىن رەتتەۋگە باعىتتالعان قازاقستان پرە­زيدەنتى ن.نازارباەۆتىڭ كۇش-جىگەرىن اتاپ ءوتتى. «ءبىزدىڭ مەم­لەكەت باسشىسى شيەلەنىستى رەت­تەۋگە جاردەمدەسۋ ءۇشىن بەلسەندى جۇ­مىستاردى جالعاستىرىپ كەلەدى, ونى رەسەي, ۋكراينا, گەرمانيا, فرانتسيا, اقش, بەلارۋس كوش­باس­شىلارىمەن كەزدەسۋلەرى مەن تەلەفون ارقىلى سويلەسۋلەرى كورسەتىپ وتىر», دەدى ق.توقاەۆ. سەنات توراعاسى جۇزدەسۋشىنى قازاقستانداعى الەۋمەتتىك-ەكو­نوميكالىق احۋالمەن, ورتالىق ازياداعى جاعدايمەن جانە پار­لامەنتتىڭ زاڭ شىعارۋ قىزمەتىمەن تا­نىستىردى, دەپ حابارلادى سە­نات­تىڭ ءباسپاسوز قىزمەتى.