ەل دامۋىندا ۇلكەن ءرول اتقارۋى ءتيىس باستاما

پرەزيدەنتتىڭ ءباسپاسوز قىزمەتى قازاقستان حالقى اسسام­بلەياسى كەڭەسىنىڭ قازاقستان رەسپۋبليكاسى پرەزيدەنتىنىڭ ساي­لاۋىن وتكىزۋ جونىندەگى باستاماسىنا بايلانىستى كەلىپ تۇسكەن حاتتار مەن جەدەلحاتتار تۋرالى حابارلادى. مەملەكەت باسشىسىنىڭ اتىنا ەل وڭىرلەرىندەگى قوعامدىق ءبىر­لەستىكتەردەن جانە ەكونو­مي­كانىڭ ءتۇرلى سالالارى مەن الەۋمەتتىك سالادا جۇمىس ىستەيتىن ازاماتتاردان كوپتەگەن حات-حابارلار كەلىپ تۇسۋدە. جۇمىسشىلار, اگرارشىلار, شاعىن جانە ورتا بيزنەس, عىلىم جانە مادەنيەت, شىعارماشىل زيالى قاۋىم وكىلدەرى, ستۋدەنتتەر ءوز حاتتارىندا مەملەكەتتىڭ ءارى قاراي دامۋىندا ماڭىزدى ءرول اتقارۋعا ءتيىس باستاماعا جان-جاقتى قولداۋ تانىتۋدا. اتاپ ايتساق, «نۇر وتان» پارتياسىنىڭ مالىمدەمەسىندە قحا كەڭەسىنىڭ باستاماسى ەل مۇددەسىنە جاۋاپ بەرەتىن دۇرىس قادام ەكەنى ايتىلعان. «ءبىزدىڭ حالقىمىز ەل تاريحىنىڭ ەڭ شەشۋشى ساتتەرىندە بولاشاق ۇرپاق ءۇشىن دانالىق تانىتا وتىرىپ, بىرلىكتىڭ, ءوز كوشباسشىسىنىڭ اينالاسىنا توپتاسۋدىڭ بيىك دەڭگەيىن كورسەتتى. بۇل «قازاقستان-2050» ۇزاق مەرزىمدى ستراتەگياسى مەن «ماڭگىلىك ەل» يدەياسىن جۇزەگە اسىرۋدى قامتاماسىز ەتە وتىرىپ, بۇدان دا كۇشتى, بۇدان دا ۇيىمشىل بولۋدىڭ تاريحي مۇمكىندىگى», – دەلىنگەن حاتتا. قازاقستان قارجىگەرلەرى قاۋىم­داستىعىنىڭ مۇشەلەرى سايلاۋ وتكىزۋ ەكونوميكالىق جانە اقشا-نەسيەلىك ساياساتتىڭ ساباقتاستىعىن قامتاماسىز ەتىپ, ينۆەستورلارعا سەنىمدىلىك بەرەتىنىن, ەلدەگى ءىس­كەر­لىك بەلسەندىلىكتى جانداندىراتىنىن اتاپ وتكەن. «ەلدىڭ قارجى ۇيىمدارىنىڭ باسشىلارى مەن قىزمەتكەرلەرى قوعامىمىزدىڭ ەكونوميكالىق دامۋدىڭ مەيلىنشە جوعارى ساتىسىنا قاراي جۇيەلى قوزعالىسىن قولداۋ ىسىنە ءوز ۇلەستەرىن قوسۋ ءۇشىن قولدان كەلگەننىڭ ءبارىن جا­ساۋ­عا دايىن جانە ۇسىنىلعان سايلاۋ­دىڭ ماڭىزدىلىعىن وسى جولدا­عى قاجەتتى كەزەڭ رەتىندە تولىق تۇسىنەدى», – دەپ جازادى اۆتورلار. ءتۇرلى كاسىپورىنداردىڭ جۇ­مىس­شىلارى دا حات جولداپ وتىر. «بولات نۇرجانوۆ اتىنداعى ەكىباستۇز گرەس-1» جشس جۇمىس­شىلارى ەلدى وركەندەتۋ ءۇشىن العا قويىلعان مىندەتتەردى جۇزەگە اسىرۋ ىسىنە قاتىسۋعا دايىن ەكەندىكتەرىن بىلدىرەدى. «ءبىز ەلەكتر ەنەرگياسىن ەل­دىڭ بارلىق وڭىرلەرىنە جانە شەتەل­گە باعىتتايمىز. ءبىزدىڭ مىندە­تىمىز – ءار ۇيدە كۇندىز دە, تۇندە دە ەلەكتردىڭ بولۋى. ءبىزدىڭ تۇتىنۋ­شى­لارىمىز تۇراقتىلىقتى جوعا­رى باعالايدى, ال ءبىز تۇراق­تى­لىقتى تەك سىزبەن بايلانىستىرامىز. ءبىز «قازاقستان-2050» سترا­تەگياسىن جالعاستىرۋدى, ىشكى ساياسي تۇراقتىلىقتى نىعايتۋدى, ءارى قاراي دامۋدى جاقتايمىز. سون­دىقتان سىزدەن پرەزيدەنت سايلاۋىن 2015 جىلى وتكىزۋ باستاماسىن قولداۋدى سۇرايمىز», – دەپ جازادى اۆتورلار. جامبىل وبلىسىنداعى «قاز­فوسفات» جشس حاتىندا التى مىڭ­دىق ەڭبەك ۇجىمىنىڭ نەگىزگى تىلەگى – نۇرسۇلتان نازارباەۆقا سەنەتىنىن راستاۋ ەكەنى ايتىلعان. «ءدال بۇگىن بىرلىكتى, كەلىسىم مەن تۇراقتىلىقتى نىعايتۋ ماڭىزدى, سوندىقتان ءبىز ءسىزدى ەل پرەزيدەنتى لاۋازىمىنا لايىقتى كانديدات سانايمىز. قازىرگى باق-بەرەكەمىزدى جانە بولاشاعىمىزدى تەك سىزبەن بايلانىستىرامىز», – دەلىنگەن حاتتا. «قازاقمىس» كورپوراتسياسى» جشس ەڭبەك ۇجىمدارىنىڭ 9 مىڭ­نان استام مۇشەسى – كەنشىلەر, مە­تاللۋرگتەر, كەن بايىتۋ كاسىپ­ورىن­دارىنىڭ جۇمىسشىلارى دا ەلىمىزدىڭ ودان ءارى قارقىندى دامۋىن قامتاماسىز ەتۋ ءۇشىن قازاقستان پرەزيدەنتىنە جاڭا سەنىم مانداتىن بەرۋ قاجەت ەكەنىن اتاپ وتكەن. «ءبىز بۇگىندە باسقا بالاما جوق ەكەنىنە سەنىمدىمىز. ويتكەنى, ناق ءسىزدىڭ باسشىلىعىڭىزبەن ەلىمىز ءوز دامۋىندا ەلەۋلى تابىس­تارعا جەتتى. ءسىز رەسپۋبليكانى اۋقىمدى جاڭعىرتۋ جانە ونى الەمنىڭ مەيلىنشە باسەكەگە قابىلەتتى 30 ەلىنىڭ قاتارىنا قوسۋ جولىنداعى جۇمىستى قازاقستان حالقىمەن بىرگە جالعاستىرۋعا ءتيىسسىز دەپ سانايمىز. بارلىق قازاقستاندىقتاردى, ەڭبەكشىلەردى, تۇراقتىلىقتى جانە ەگەمەن قازاق­ستاننىڭ جۇيەلى دامۋىن قىمبات سانايتىن بارشانى پرەزيدەنت سايلاۋىن وتكىزۋدى قولداۋعا شاقى­رامىز», – دەلىنگەن حاتتا. اقمولا وبلىسىنداعى «رودينا» اگروفيرماسى» جشس ۇجىمىنىڭ مۇشەلەرى ءوز حاتتارىندا جاھاندىق ەكونوميكالىق داعدارىس پەن الەمدەگى گەوساياسي تۇراقسىزدىقتىڭ بەلەڭ الۋى جاعدايىندا قازاقستان قۋاتتى ءارى ىلكىمدى كوشباسشىنى قاجەت ەتەتىنىنە توقتالعان. «قوعامدا ەلدىڭ ءارى قارايعى الەۋمەتتىك-ەكونوميكالىق تابىسى كوبىنە-كوپ ءسىزدىڭ مەملەكەت باسشىسى, ەلباسى رەتىندەگى ءرولىڭىز ارقىلى عانا مۇمكىن بولاتىنى تۋرالى ايقىن تۇسىنىك بار. سوندىقتان, وتانداستارىمىزدىڭ باستاماسىن تولىق قولداي وتىرىپ, سىزدەن جۇرەك قالاۋىمەن جاسالعان حالىق تاڭداۋىنا قۇلاق اسۋدى سۇرايمىز», – دەلىنگەن حاتتا. الماتى وبلىسىنداعى «حيل­نيچەنكو جانە ك» كوممانديتتىك سەرىك­تەستىك جۇمىسشىلارى مەم­لەكەت باسشىسىنىڭ وسىنداي تۇراقسىز ۋاقىتتا ستراتەگيالىق سيپاتتا شۇعىل شەشىمدەر قابىلداي ءبىلۋى – دەندەپ كەلە جاتقان سىرتقى سىن-قاتەرلەردى تابىستى ەڭسەرۋ كەپىلى ەكەنىن اتاپ وتكەن. «بۇگىن ءبىز جانە ەل تاعدىرىنا بەيجاي قاراي المايتىن بار­لىق قازاقستاندىقتار, جاۋاپكەر­شى­لىكپەن ايتا الامىز: قازاقستاندا سىزگە ساياسي بالاما جوق. ءسىز سەكىلدى پرەزيدەنت­پەن بىزگە ءبارى جەڭىل, ءبىز داعدارىس كەزەڭىنىڭ بارلىق قيىندىقتارىن ەڭسەرەمىز. ويتكەنى, ولار وتپەلى عوي, ال ءبىزدىڭ قازاقستان ماڭگىلىك بولسىن», – دەپ جازادى اۆتورلار. قازاقستان حالقى اسسامبلەيا­سى­نىڭ سايلاۋ وتكىزۋ تۋرالى باستاماسىن ماقۇلداعان ازاماتتاردىڭ قاتارىندا مەملەكەت باسشىسىنا قولداۋ كورسەتۋ تۋرالى پىكىر بىلدىرگەن كوپتەگەن جاس ۇرپاق وكىلدەرى بار. ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنت­تەرى مەملەكەت باسشىسىنىڭ جولداۋىن جانە «قازاقستان-2050» ستراتەگياسىن تابىستى جۇزەگە اسىرۋ ءۇشىن كۇش جۇمىلدىرۋدىڭ ماڭىزدىلىعىن اتاپ وتكەن. «وسىعان بايلانىستى كەيىنگە قالدىرماي سايلاۋ وتكىزۋ ماڭىزدى دەپ سانايمىز جانە قازاقستان حالقى اسسامبلەياسىنىڭ باستاماسىنا تولىق قولداۋ كورسەتەمىز», – دەلىنگەن حاتتا. ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ستۋ­دەنتتەرى ەلباسىنىڭ باسشى­لىعىمەن ەلىمىز تاۋەلسىزدىك جىلدارىندا ءتۇرلى قيىندىقتاردان ءساتتى وتكەنىنە توقتالعان. «ءبىز الداعى ۋاقىتتا دا مەم­لەكەت باسشىسىمەن بىرگە قازاق­ستاندى الەمنىڭ دامىعان 30 ەلىنىڭ قاتارىنا قوسۋ جونىندەگى ماقساتقا قاراي ىلگەرىلەتۋدى قالايمىز. سوندىقتان سىزدەن پرەزيدەنت سايلاۋىن وتكىزۋگە كەلىسىم بەرۋىڭىزدى سۇرايمىز», – دەپ جازادى اۆتورلار. قازاقستان حالقى اسسامبلەيا­سى كەڭەسىنىڭ ەل پرەزيدەنتىنىڭ ساي­لاۋىن وتكىزۋ جونىندەگى باستا­ماسىنا بايلانىستى حاتتار مەم­لەكەت باسشىسىنىڭ اتىنا تولاس­­سىز كەلىپ تۇسۋدە.