سۋرەت: ortalyq.kz
اباي قالاسىنداعى پوليگون پارتيانىڭ سايلاۋالدى باعدارلاماسى اياسىندا اكىمشىلىك عيماراتى, مەديتسينالىق پۋنكتتى جانە قىزمەتكەرلەرگە قاجەت بارلىق ينفراقۇرىلىمى بار تولىققاندى كەشەن رەتىندە سالىنىپ جاتىر. مۇندا قۋاتى جىلىنا 15 مىڭ توننالىق قالدىقتاردى سۇرىپتاۋ جەلىسى جۇمىس ىستەيدى. پلاستيكتى قايتا وڭدەۋگە ارنالعان پرەسس-ستانوكتار مەن جابدىقتار دا قاراستىرىلعان. شيكىزاتتى ۋاقىتشا ساقتاۋعا ارنالعان الاڭدار مەن قالدىقتاردى كومۋگە نەگىزدەلگەن ترانشەيالار بار. سونداي-اق ءنومىر بەكىتۋ جۇيەسى ەنگىزىلگەن ەلەكتروندى اۆتوموبيل تارازىلارى ورناتىلعان. نىساندى قالدىقتاردى جيناۋ, سۇرىپتاۋ جانە قايتا وڭدەۋ جۇمىسىمەن اينالىساتىن ارنايى كاسىپورىن پايدالانادى. وسىلايشا, اباي اۋدانىندا جاڭا جۇمىس ورىندارى اشىلادى. وعان قوسا تۇرعىنداردىڭ ەكولوگيالىق قاۋىپسىزدىگىنە كەپىلدىك بەرىلىپ, قورشاعان ورتانىڭ جاي-كۇيىنە زاماناۋي باقىلاۋ جاسالادى.
ن.شاتالوۆ پوليگون قۇرىلىسى مەملەكەت باسشىسى قاسىم-جومارت توقاەۆتىڭ جاڭا ەكولوگيالىق مادەنيەتتى قالىپتاستىرۋ جانە زاماناۋي وڭدەۋ تەحنولوگيالارىن ەنگىزۋ بويىنشا بەرگەن تاپسىرمالارىن جۇزەگە اسىرۋداعى ناقتى قادام ەكەنىن ايتتى.
– قاتتى تۇرمىستىق قالدىقتارعا ارنالعان زاماناۋي پوليگون سالۋ ەكولوگيالىق جاعدايدى ەداۋىر جاقسارتۋعا, وزىق وڭدەۋ تەحنولوگيالارىن ەنگىزۋگە, قوسىمشا جۇمىس ورىندارىن اشۋعا مۇمكىندىك بەرەدى. بۇل – ءوڭىردى دامىتۋ جانە تۇرعىنداردىڭ تۇرمىسىن جاقسارتۋ ىسىنە قوسىلعان ۇلكەن ۇلەس, سونداي-اق سايلاۋشىلارعا بەرگەن ۋادەمىز ورىندالىپ جاتقانىنىڭ ناقتى كورىنىسى, – دەدى ن.شاتالوۆ.
بۇدان باسقا, «Amanat» پارتياسىنىڭ سايلاۋالدى باعدارلاماسى اياسىندا قاراعاندىدا قاتتى تۇرمىستىق قالدىقتاردى ەنەرگەتيكالىق كادەگە جاراتاتىن زاۋىت قۇرىلىسى جوسپارلانعان. ال وبلىس اۋماعىندا 2027 جىلعا دەيىن سۇرىپتاۋ جەلىسى بار تاعى 6 قاتتى تۇرمىستىق قالدىقتار پوليگونىن سالۋ كوزدەلىپ وتىر.
وڭىرلەرگە ساپار بارىسىندا ءماجىلىس دەپۋتاتى, «اق جول» پارتياسى فراكتسياسىنىڭ مۇشەسى ەرجان بەيسەنباەۆ شىمكەنت قالاسىنداعى «اۆانگارد» شىنى زاۋىتىنا باردى. ەلىمىزدەگى تاباق شىنىنى وڭدەۋ جانە شىنى پاكەتتەر ءوندىرۋ سالاسىنداعى جەتەكشى كاسىپورىن قۇرىلىس پەن ونەركاسىپكە ارنالعان حالىقارالىق ستاندارتتارعا ساي ساپالى ونىمدەر شىعارادى. ولار جارىق وتكىزۋ قابىلەتى جوعارى ءارى سوققىعا ءتوزىمدى.
ە.بەيسەنباەۆ زاۋىتتىڭ تىنىس-تىرشىلىگىمەن تانىسىپ, ءوندىرىس قىزمەتكەرلەرىمەن اڭگىمەلەسىپ, وزەكتى ماسەلەلەردى تالقىلادى. وندا كاسىپورىننىڭ بىرقاتار قيىندىققا دا تاپ بولىپ وتىرعانى ايتىلدى. ءوز كەزەگىندە ءماجىلىس دەپۋتاتى زاۋىت باسشىلىعى كوتەرگەن ماسەلەلەردى مۇقيات تىڭداپ, ولاردى قۇزىرلى مەملەكەتتىك ورگاندارمەن بىرگە قاراستىراتىنىن جەتكىزدى.
– ەلەكتر ەنەرگياسى ءتاريفىنىڭ قىمباتتاۋى, ستانوكتاردى ساتىپ العاندا ونى شىعىن رەتىندە كورسەتە الماۋ جانە سوعان دا قوسىمشا قۇن سالىعىن تولەۋ, سونداي-اق ەكسپورتقا شىعارۋ كەزىندە شەكارادا ءونىمنىڭ كوپ ۇستالىپ قالۋى كاسىپورىن ءۇشىن ەلەۋلى قيىندىقتار تۋدىرىپ تۇرعانى ايتىلدى. ولاردى قۇزىرلى ورگاندارمەن بىرلەسە قاراستىرامىز. سونىمەن قاتار زاۋىتقا جاستاردى كوبىرەك تارتۋ دا ماڭىزدى, – دەدى ە.بەيسەنباەۆ.
