ەرقوجا العوجا ۇلى تىلەپبەرديەۆ – 300-دەن اسا ەسترادالىق, ءداستۇرلى, كلاسسيكالىق شىعارمالاردىڭ ءان ماتىندەرى مەن 50-گە جۋىق اندەردىڭ, بىرنەشە جىر-جيناقتاردىڭ اۆتورى. سونداي-اق ول 5-ءشى دۇنيەجۇزىلىك كوشپەندىلەر ويىنىندا ورىندالعان ء«بىز بىرگەمىز!», كومپوزيتور س. ەركىمبەكوۆتىڭ روزا باعلانوۆانىڭ 100 جىلدىق مەرەيتويىنا وراي ارناپ جازعان «دالا قىزى», ەكىنشى دۇنيەجۇزىلىك سوعىستىڭ 80-جىلدىعىنا ارنالعان «قارۋلى كۇشتەر», «ارداگەرلەر», «قاۋىپسىزدىك قورعانى», «اسكەري كەرنەي» اتتى شىعارمالاردىڭ ءماتىنى مەن اندەرىن جازعان.
تەرەڭ ويلى, ەرەكشە مىنەزدى سازگەردىڭ حالىق باتىرلارى راحىمجان قوشقارباەۆ, باۋىرجان مومىش ۇلى, ساعادات نۇرماعامبەتوۆكە, اقيىق اقىن مۇقاعاليعا جانە ت.ب. ارناعان ولەڭ جولدارىن وقىرماندارى جاتقا ايتادى. ەرەكشە اتاپ وتەرلىگى, ەرقوجا تىلەپبەرديەۆ رايىمبەك باتىردىڭ جەتىنشى ۇرپاعى. «رايىمبەك باتىر» ءانىنىڭ ءسوزىن ءوزى جازعان. ءداستۇرلى ءان سارىنىندا جازعان اندەرى دە از ەمەس. ونىڭ ىشىندە «بەۋ دۇنيە», «جەر سۇلۋى قارقارا», «اتتانعاندا» اندەرى بار.
كونتسەرتتىك باعدارلامادا اۆتوردىڭ كوپشىلىككە بەيمالىم, اسكەري-پاتريوتتىق, كلاسسيكالىق, ليريكالىق جانە ەسترادالىق اندەرى شىرقالادى. وعان قوسا ەرقوجا تىلەپبەرديەۆتىڭ ولەڭدەرىنە ءان جازعان كومپوزيتورلار مەن ونىڭ اۋەندەرىنە ءسوز جازعان اقىنداردىڭ دا تانىمال تۋىندىلارى ورىندالادى. كەش بارىسىندا «اسكەري كەرنەي», «جۇماق مەكەن», «ساپتا تۇرعان ساقشى قىز», «قازاقستانىم – وتانىم مەنىڭ», «وفيتسەر مىرزالار», «ۇلاندار مارشى», «ابىلاي حان», «بەۋ دۇنيە-اي», «ساعىنىشىم تۋعان جەر» جانە ت.ب. تۋىندىلار كورەرمەن نازارىنا ۇسىنىلادى.
ءىس-شارادا قازاقستاننىڭ ونەر جۇلدىزدارى, قازاقستاننىڭ ەڭبەك سىڭىرگەن قايراتكەرلەرى سەرىك ەركىنبەكوۆ, قۇرماش ماحان, كلارا تولەنباەۆا, نۇربولات ارزاماس, «دارىن» مەملەكەتتىك جاستار سىيلىعىنىڭ لاۋرەاتى الىبەك الماديەۆ, تانىمال وپەرا ءانشىسى ايزادا كاپونوۆا, رەسپۋبليكالىق جانە حالىقارالىق بايقاۋلاردىڭ لاۋرەاتتارى ايبەك ءابدىاشيموۆ, ءبىرجان ايتاحمەت, ايدوس سانيازبەك, سونداي-اق, «استانا سازى» مەملەكەتتىك فولكلورلىق ءانسامبلى, «گۇلدەر» جانە «بىرلىك» انسامبلدەرىنىڭ بيشىلەرى, «Astana Musical» مەملەكەتتىك ميۋزيكل تەاترى مەن «حالىق قازىناسى» ۇلتتىق ونەر ورتالىعىنىڭ ارتىستەرى جانە مادەنيەت مايتالماندارى ونەر كورسەتەدى.
سونىمەن قاتار كەشكە قارۋلى كۇشتەردىڭ ۇلتتىق اسكەري-پاتريوتتىق ورتالىعى مەن ۇلتتىق ۇلاننىڭ ءان-بي ءانسامبلىنىڭ سوليستەرى جانە اسكەري وركەسترى, «ەرلەر» حورى, مەملەكەتتىك كۇزەت قىزمەتى ونەرپازدارى, ۇقك «شەكاراشىلار» ءان-بي ءانسامبلى جانە ۇلتتىق دەلفي ويىندارىنىڭ جەڭىمپازدارى قاتىسادى.
ايتا كەتەرلىگى, بۇل كەشتە العاش رەت «قازاقكونتسەرت» ارتىستەرى مەن قارۋلى كۇشتەر قۇرىلىمىنداعى ونەرپازدار بىرلەسە ونەر كورسەتەدى.
اسەم ساعيقىزى,
روزا باعلانوۆا اتىنداعى «قازاقكونتسەرت»
مەملەكەتتىك اكادەميالىق كونتسەرتتىك ۇيىمىنىڭ
ءباسپاسوز حاتشىسى
