ساياباق اۋماعى تولىقتاي جارىق شامدارمەن قامتىلعان. قالا اكىمدىگى شاھاردا ساياباقتار سانىن كوبەيتۋدى جوسپارلاپ وتىر. ول قالانى ينفراقۇرىلىمدىق دامىتۋدىڭ نەگىزگى باعىتى بولىپ سانالادى. قالانى كوركەيتۋ جۇمىستارىنا جاۋاپتى ماماندار تۇرعىندارعا جايلى ءومىر قالىپتاستىرۋ باعىتىنداعى ىستەر جالعاسا بەرەتىنىن جەتكىزدى.
سونىمەن بىرگە بۇگىنگى تاڭدا شىمكەنتتە دەندروساياباقتى قايتا قۇرۋ جۇمىستارى ءجۇرىپ جاتىر. ساياباقتى قالپىنا كەلتىرۋ بيزنەستىڭ الەۋمەتتىك جاۋاپكەرشىلىگى اياسىندا كەزەڭ-كەزەڭمەن ىسكە اسىرىلاتىن بولادى. ءبىرىنشى كەزەڭدە اۋماقتى اباتتاندىرۋ, زاماناۋي سپورتتىق جانە ويىن الاڭدارىن ورناتۋ قاراستىرىلعان.
قازىرگى تاڭدا دەندروساياباقتا پاندۋسى بار ينكليۋزيۆتى ويىن الاڭى, ءتورت ۆوركاۋت الاڭى, ساندىك اركالار مەن پەرگولالار, بالالارعا ارنالعان ويىن ايماقتارى جانە دەمالۋعا ارنالعان ورىندىقتار ورناتىلدى. جوسپارلانعان بارلىق كەزەڭدەر اياقتالعان سوڭ, بۇل اۋماق قالا تۇرعىندارى مەن قوناقتارى ءۇشىن ىڭعايلى ءارى زاماناۋي دەمالىس ورنىنا اينالماق.
شىمكەنت
