فوتو: اقوردا
سونىمەن قاتار كەلىسسوزدەر بارىسىندا تسيفرلاندىرۋ جانە ەلەكتروندىق ۇكىمەت سالاسىنداعى ىنتىماقتاستىق الەۋەتى تالقىلاندى.
تاراپتار ەكونوميكا سالاسىن تسيفرلاندىرۋ ءۇشىن تاجىريبە الماسۋعا جانە اقپاراتتىق بايلانىستى كۇشەيتۋگە ۋاعدالاستى.
مەملەكەت باسشىسى سۋ-ەنەرگەتيكا سالاسىنداعى قارىم-قاتىناستى ۇيلەستىرۋ ماسەلەسىنە ايرىقشا توقتالدى.
«ترانسشەكارالىق سۋ رەسۋرستارىن ءتيىمدى پايدالانۋ ايماقتاعى تۇراقتىلىق پەن ورنىقتى دامۋدىڭ ماڭىزدى فاكتورىنا اينالىپ وتىر. وسى باعىتتاعى ىنتىماقتاستىقتى جالعاستىرعان ءجون دەپ سانايمىز. ءبىز بارلىق كەلىسىمدى مۇلتىكسىز ورىنداۋعا جانە ستراتەگيالىق ماڭىزى بار بىرلەسكەن جوبالاردى جۇزەگە اسىرۋ ءۇشىن كۇش-جىگەرىمىزدى جۇمىلدىرۋعا دايىنبىز», دەدى قاسىم-جومارت توقاەۆ.
