شەتەلدەردەگى قانداستارىمىز دا تىلەۋلەس

استاناداعى ۇلتتىق اكادەميالىق كىتاپحانادا 14 اقپان كۇنى وتكەن قازاقستان حالقى اسسامبلەياسىنىڭ وتىرىسىندا مەرزىمىنەن بۇرىن پرەزيدەنتتىك سايلاۋعا قاتىستى كوتەرىلگەن باستاماعا وراي, دۇنيەجۇزى قازاقتارى قاۋىمداستىعى وكىلدەرى باس قوستى. قازاقستان حالقى اسسامب­لەيا­سىنىڭ كەڭەسى جاساعان ۇسى­نىس­تىڭ ۇتىمدى تۇستارى ءسوز بولعان شارادا دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى تالعات ماماشەۆ دۇنيە­جۇزى قازاقتارى قاۋىمداستىعى­نىڭ مالىمدەمەسىن وقىدى. «ءوز­دە­رى­ڭىزگە بەلگىلى, قازاقستان حالقى اسسامبلەياسىنىڭ كەڭەسى ۇستىمىزدەگى جىلعى 14 اقپاندا كەزەكتەن تىس پرەزيدەنتتىك سايلاۋدى 2015 جىلى وتكىزۋ تۋرالى باستاما كوتەردى. توسىن ۇسىنىسقا ەل ىشىندەگى قازاقستاندىقتار عانا ەمەس, الىس-جاقىن شەتەلدەردە تۇراتىن 5 ميلليوننان استام قازاق دياسپوراسىنىڭ وكىلدەرى دە ەلەڭدەي قۇلاق تۇرۋدە. سوندىقتان, وسىنداي شەشۋشى تۇستا دۇنيەجۇزى قازاقتارى قاۋىمداستىعى دا بەيتاراپ قالا المايدى. قاۋىمداستىق ءوز ۇستانىمىن ءبىلدىرىپ, كەزەكتەن تىس پرەزيدەنتتىك سايلاۋدىڭ ءوتۋىن قولدايدى», دەلىنگەن مالىمدەمەدە. سونداي-اق, بۇل باستامانىڭ قازاقستان حالقى اسسامبلەياسى كەڭەسى تاراپىنان دەر ۋاقىتىن­دا كوتەرىلگەن ۇسىنىس دەپ سا­ناي­تىنى ايتىلعان. ويتكەنى, الەم­دەگى ەكونوميكالىق داعدارىس تو­لىعىمەن ەڭسەرىلمەي جاتىپ, ونىڭ كەلەسى تولقىنى بوي كو­تە­رىپ وتىر. قازاقستان جاھان­دىق­­ ەكونوميكانىڭ قۇرامداس ءبىر ءبو­لىگى بولعاندىقتان, قار­جى­لىق-ەكونوميكالىق تىعى­رىق­تىڭ قىسپاعىن سەزىنبەي قالۋى ءمۇم­كىن ەمەس. سونىڭ الدىن الۋ ماق­ساتىندا ەلباسى «نۇرلى جول – بولاشاققا باستار جول» سترا­تەگيالىق جولداۋىن جاريا ەتتى. بۇگىندە وسى قۇجاتتىڭ اياسىندا ناقتى قادامدار جاسالۋدا. الايدا, گەوساياسي شيەلەنىستەر, سونىڭ سالدارىنان قۇلدىراعان ەكونوميكا جالپى دامۋعا كەدەر­گى كەلتىرۋدە. بۇل جايتتار قو­عامدى الاڭداتاتىنى راس. وسىنداي جاعدايدا ەلدى كۇتتىرمەي, پرەزيدەنتتىك سايلاۋدى كەزەكتەن تىس وتكىزگەن دۇرىس دەپ ويلايمىز, دەلىنگەن مالىمدەمەدە. سوندا, دەپ جالعادى ءسوزىن ت.ما­ماشەۆ مالىمدەمەنى وقي وتى­رىپ, حالىق تا, ۇكىمەت تە داعدا­رىسقا قار­سى احۋالعا قام جاساۋعا الاڭسىز كىرى­سەر ەدى. ماسەلەنى ارىدەن تۇسىنگەن تۇتاس حالىق, ەلدىڭ يگى جاقسىلارى, دۇنيەجۇزى قازاقتارى – قازاقستان حالقى اسسامبلەياسى كەڭەسىنىڭ كەزەكتەن تىس سايلاۋ وتكىزۋ باستاما­سىن قولداپ, ءۇن قاتادى. بۇل – «ءماڭ­گىلىك ەل» يدەياسى جولىنداعى باستى قادامداردىڭ ءبىرى دەپ سانايمىز. شەت­ەلدەردەگى قازاق دياسپوراسى تاري­حي وتان­دارىنداعى وسىنداي ۇلى ىسكە سۇيسىنە تىلەۋلەستىكتەرىن ءبىل­دى­رۋدە. ءبىر جاعادان باس, ءبىر جەڭ­نەن قول شىعاراتىن كەزەڭ كەلدى. قازاق­ستان جۇرتى وسى ۇلكەن باس­تا­مانى جۇمىلعان جۇدىرىقتاي, ءبىر دەممەن قولداپ كەتەرىنە سەنىم بىلدىرەمىز. بەرىك سادىر, «ەگەمەن قازاقستان».