ەگىنجايدان ەسكەن لەپ

استىقتى اۋدان ەرتە كوكتەمدە كوپجىلدىق ەكپە ءشوپتى قوسىپ ەسەپتەگەندە 695,7 مىڭ گەكتار القاپقا ءدان سىڭىرگەن. ونىڭ ىشىندە بۇرشاق داقىلدارى دا بار. اۋدان ديقاندارى بيداي (572 مىڭ گەكتار) مەن ارپادان (90,2 مىڭ گەكتار) بولەك, كارتوپ پەن كوكونىس وسىرۋگە دە كوڭىل اۋدارىپ وتىر. استىق ءۇشىن ارپالىس ءساتتى وتسە, 604,2 مىڭ توننا ءونىم جينالۋعا ءتيىس. سارى التىنداي ءمولت-ءمولت ەتىپ, سامال جەلمەن تەربەلگەن ماساق كوز قۋانتادى. جازدا كۇننىڭ ىستىق بولۋى سەبەپتى ساباعىندا تۇرىپ ءپىسىپ تە قالدى. ەندى ديقاندار تىكەلەي ورۋعا كوشپەك. بۇل ءادىستىڭ ءبىر جاقسى جەرى ۋاقىت پەن قىرۋار كۇش-جىگەر ۇنەمدەلەدى.

مايلى داقىلدار القاپتارى 8 تسەنتنەردەن ءونىم بەرىپ وتىر. مال ازىعى داقىلدارى 9,8 مىڭ گەكتارعا وتىرعىزىلعان. ونىڭ ىشىندە بىرجىلدىق جانە كوپجىلدىق ەكپە شوپتەر دە بار. بيىلعى شىعىمى – جاقسى.

جارقايىڭدىق ديقاندار بيىل ساپالى تۇقىمنان قيىندىق كور­گەن جوق. زيانكەستەردىڭ الدىن الۋ جۇمىستارى تياناقتى جۇر­گىزىلدى. بۇل تاراپتا 600 مىڭ گەكتار اۋىل شارۋاشىلىعى جەرى مۇ­قيات وڭدەلىپ, ويعا العان شار­ۋا 100 پايىز ورىندالدى. وب­لىس­تىق بيۋدجەتتەن بولىنگەن قار­جىنىڭ ەسەبىنەن 16,3 مىڭ گەكتار جەر شەگىرتكەگە قارسى وڭدەلدى. رەس­­پۋبليكالىق بيۋدجەتتەن بولىن­گەن قار­جىنىڭ ارقاسىندا 136 مىڭ گەك­تار القاپ زيانكەستەردەن تا­زارتىل­دى. ەگىندى اۋرۋدان ەمدەۋ ءۇشىن 42,9 مىڭ گەكتار القاپقا ءدارى سەبىلدى.

بيىلعى ەگىن وراعىنا اۋداندا 974 استىق جينايتىن كومباين قاتىستىرىلماق. الدىن الا ەسەپكە قاراعاندا, ءاربىر استىق جينايتىن كومباينعا 696 گەكتاردان كەلەدى ەكەن. اۋا رايى قولايلى بولسا, ەگىن وراعىن 20–22 كۇندە تولىق اياقتاپ شىعۋعا ابدەن بولادى. اۋداندا القاپتان قىرمانعا استىق تاسيتىن 338 جۇك ماشيناسى بار. وعان قوسىمشا 266 تراكتور تىركەمەلەرى كومەككە كەلمەك. وراق ناۋقانىنا قاجەتتى جانار-جاعار ماي دا جەتكىلىكتى. «ەسىل» مۇناي بازا­سىنا كەلىسىمشارت بويىنشا ازىر­شە 762,374 توننا جانار-جاعار ماي جەتكىزىلگەن. 485,9 مىڭ توننا اس­تىق ساقتايتىن 9 استىق قابىلداۋ كا­سىپورنى دا تاس-ءتۇيىن دايىن. وعان قوسا اۋىل شارۋاشىلىعى قۇرىلىمدارىندا 324 مىڭ توننا ءدان ساقتاۋعا مۇمكىندىك بار. بار­لىعىن قوسقان­دا اۋداندا 809,9 مىڭ توننا ءونىمدى ساقتاۋعا ابدەن بولادى.

اۋدان ديقاندارى قازىردىڭ وزىندە كەلەر جىلدىڭ ەگىنى ءۇشىن قامدانىپ وتىر. 88 مىڭ گەكتار القاپ پارعا جىرتىلدى. جەمشوپ جايى دا جاقسى. 38,5 مىڭ گەكتار القاپتىڭ ءشوبى شابىلىپ, ساپالى ءشوپ قىستاقتارعا جەتكىزىلدى.

اقمولا وبلىسى,

جارقايىڭ اۋدانى