دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ ۇندەۋى

قادىرلى وتانداستار! ەلىمىزدەگى بەدەلدى دە وكىلەت­تى­ ۇنقاتىسۋ الاڭى رەتىندە دەمو­­كرا­­تيالىق كۇشتەردىڭ «قازاق­ستان-­2050» جالپىۇلتتىق كوالي­تسيا­­سى ءتۇرلى كوزقاراس پەن ۇستا­نى­م­­داعى جەتەك­شى قوعامدىق-سايا­سي كۇش­تەر­دىڭ اشىق ءارى ساليقا­لى پىكىر­تا­لاسى ار­قىلى بارلىق الەۋمەتتىك توپ­تاردىڭ مۇددەسىن قامتاماسىز ەتەدى. كواليتسيا ەلباسىنىڭ مەملە­­كەتتىك باعىتىن جۇزەگە اسىرۋعا وزىندىك ۇلەس قوسا وتىرىپ, قوعامدى توپتاستىرىپ, ونداعى ءوزارا سەنىمدى نىعايتادى. بۇگىن, كواليتسيا تالقىلاۋ ناتيجەسىندە 2015 جىلى پرەزي­دەنت­تىك سايلاۋ وتكىزۋ جونىندەگى باستامانى ءبىراۋىزدان قولدادى. بۇل – ەلىمىز ءۇشىن تاريحي ءسات. كۇردەلى حالىقارالىق جاعداي مەن الەمدىك ەكونوميكاداعى احۋالعا بايلانىستى اتالعان ماسەلە وتكەن جىلدان قوعامدى تولعاندىرىپ كەلەدى. كوپشىلىك سايلاۋدى ءدال 2015 جىلى وتكىزۋدى تۇراقتىلىق پەن تىنىشتىقتىڭ فاكتورى دەپ ەسەپتەيدى. كونستيتۋتسيالىق مارتەبەگە يە قازاقستان حالقى اسسامبلەياسى قوعامنىڭ پىكىرىن باسشىلىققا الا كەلە, ءوزىنىڭ 20 جىلدىعىندا وسىنداي ۋاقتىلى ءارى ماڭىزدى باستاما كوتەردى. سوندىقتان دا, ساراپشىلار قاۋىمداستىعى, قوعامدىق جانە سايا­سي ۇيىمدار, بەلگىلى قوعام جانە مەملەكەت قايراتكەرلەرى بۇل باستامانى كەڭىنەن قولداۋدا. ەلباسىنىڭ ستراتەگيالىق كورە­گەندىگىنىڭ ارقاسىندا ەلىمىزدە جەتە سارالانعان ناقتى ىستەر جوس­پارى بار. ول – «نۇرلى جول» باعد­ار­لاماسى. بۇل – تەك قيىندىقتاردى ەڭسە­رۋدىڭ عانا ەمەس, ەلىمىزدىڭ ۇزاق ­مەر­­زىمدى دامۋىنىڭ, الەمنىڭ ەڭ دا­مى­عان 30 ەلىنىڭ قاتارىنا قو­سى­­لۋى­نا جاعداي جاساۋدىڭ جوسپارى. بۇل – ءجۇز مىڭداعان جۇمىس ورىندارىنىڭ, جاڭا ءوندىرىستىڭ اشىلۋى, ينفراقۇرىلىمنىڭ جاڭ­عىرتىلۋى, ميلليونداعان شارشى مەتر تۇرعىن ءۇي سالۋ, تۇرعىن­دار الدىنداعى الەۋمەتتىك مىندەت­تەمەلەردىڭ تولىق ورىندالۋى. الەمدىك ەكونوميكانىڭ تۇراق­سىزدىعى جاعدايىندا پارمەن­دى دە باتىل, ۇتقىر ءىس-قيمىلدار قاجەت. ءدال بيىلعى جىلى پرەزي­دەنتتىك سايلاۋ وتكىزۋ وسىعان قا­جەتتى جاعداي تۋعىزىپ, مەملەكەت پەن قوعامدى «نۇرلى جول» باع­دارلاماسىن, «قازاقستان-2050» ستراتەگياسى مەن ماڭگىلىك ەل ­يدەياسىن تاباندىلىقپەن ىسكە اسىرۋعا جۇمىلدىرادى. تاۋەلسىزدىگىمىزدىڭ ەڭ قيىن جىلدارىندا سايلاۋ قوعامدى توپتاستىرۋدىڭ قۇرالى, ازاماتتاردى بىرلىككە, كەلىسىمگە باستاۋدىڭ, ساياسي تۇراقتىلىق پەن قالىپتى دامۋعا جۇمىلدىرۋدىڭ تەتىگى بولىپ قىزمەت ەتتى. ءبىز ەل تاعدىرىنا بەيجاي­ قارامايتىن بارشا قازاق­ستان­­­دىقتاردى قازاقستان رەس­­پۋب­­لي­كاسىنىڭ پرەزيدەنتىن ساي­لاۋدى 2015 جىلى وتكىزۋ باس­تاما­سىن قول­داۋعا شاقىرامىز. «نۇر وتان» پارتياسى, قا­زاق­ستاننىڭ كوممۋنيستىك حالىق پارتياسى, «بىرلىك» پارتياسى, قازاقستاننىڭ پاتريوتتار پارتيا­سى, «اق جول» دەموكراتيالىق پارتياسى, قازاقستاننىڭ «اۋىل» الەۋمەتتىك-دەموكراتيالىق پارتياسى, «اتامەكەن» ۇلتتىق كاسىپكەرلەر پالاتاسى, «قازاقستاننىڭ ازاماتتىق اليانسى» زاڭدى تۇل­عالار بىرلەستىگى, «قازاقستان رەس­پۋبليكاسى ارداگەرلەر ۇيىمى» قوعامدىق بىرلەستىگى, «بولاشاق» قاۋىمداستىعى» قوعامدىق ءبىر­لەستىگى, قازاقستاننىڭ كاسىپكەرلەر فورۋمى, مۇگەدەكتەردىڭ «دوس» تاۋەلسىز ءومىر ورتالىعى» قوعام­دىق بىرلەستىگى, «قر قارۋلى كۇشتەر ارداگەرلەرى» قوعامدىق بىرلەستىگى, «قر قارۋلى كۇشتەر ارداگەرلەرى» اۋعانستان سوعىسى ارداگەرلەرى ۇيىمدارىنىڭ اسسوتسياتسياسى, قازاقستان ىسكەر ايەلدەرى اسسوتسياتسياسى, «قازاقستان تۇتىنۋشىلارىنىڭ ۇلتتىق ليگاسى» زاڭدى تۇلعالار بىرلەستىگى, «جاسىل» ەكونوميكا مەن G-GLOBAL-دى دامىتۋ ءۇشىن كواليتسياسى» زاڭدى تۇلعالار بىرلەستىگى, ۇلتتىق عىلىم اكادەميا­سى, قازاقستان جازۋشىلار وداعى, كاسىپكەر ايەلدەر وداعى, «رەسپۋبليكالىق ايەلدەر كەڭەسى» قوعامدىق بىرلەستىگى, «قازاقستان ۋكرايندارىنىڭ راداسى» قوعامدىق بىرلەستىگى, «قازاقستان-2050» جالپىۇلتتىق قوزعالىسى. 2015 جىلدىڭ 17 اقپانى. استانا.