بقو سوتىنىڭ ءباسپاسوز قىزمەتىنەن ءمالىم ەتكەنىندەي, سوتتالۋشى كوپ شىعىن مەن كۇش جۇمساماي-اق تەمەكى ونىمدەرىن, ەلەكتروندى تۇتىنۋ جۇيەلەرىن (ۆەيپتار), حوش يىستەندىرگىشتەر مەن ولارعا ارنالعان سۇيىقتىقتاردى ساتۋ ارقىلى پايدا تابۋعا بولاتىنىن بىلگەن.
بيىلعى ماۋسىم ايىندا اتالعان تۇرعىن شيە حوش ءيىسى بار «WAKA 20000» ماركالى ءبىر ەلەكتروندى تەمەكىنى 15 مىڭ تەڭگەگە ساتقان. اقشاسىن «Kaspi.kz» ءموبيلدى قوسىمشاسى ارقىلى العان. ساتىپ الۋشى بۇل تۋرالى پوليتسياعا حابارلاعان.
— سوتتالۋشىنىڭ تۇرعىلىقتى مەكەنجايىنان 44 دانا ۆەيپ تاركىلەندى. سوت وتىرىسىندا ءول وز كىناسىن مويىندادى. ءبىرىنشى ساتىداعى سوت دالەلدەمەلەردى زەرتتەپ, باعالاعاننان كەيىن ۆەيپ ساتۋشىنى كىنالى دەپ تانىپ, وعان 20 اەك كولەمىندە 78 640 تەڭگە ايىپپۇل سالىندى. ۇكىم زاڭدى كۇشىنە ەنگەن جوق, — دەپ حابارلادى ۆەدومستۆودان.
