ءتۇتىنىمىزدىڭ ءتۇزۋ ۇشقانىن قالايمىز

كەشە تاۋەلسىزدىك سارايىندا دەموكراتيالىق كۇشتەردiڭ «قازاقستان-2050» جالپىۇلتتىق كواليتسياسى باس قوسىپ, قازاقستان حالقى اسسامبلەياسى كەڭەسىنىڭ كەزەكتەن تىس پرەزيدەنتتىك سايلاۋ وتكىزۋ تۋرالى باستاماسىن تالقىلادى. وتىرىستى اشىپ, ونى ءجۇر­گىزگەن «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك: دەمو­كراتيالىق كۇشتەردiڭ «قازاق­ستان-2050» جالپىۇلتتىق كوالي­تسياسىنىڭ جۇمىسى ەلiمiزدەگi ەڭ بiر بەدەلدi دە وكiلەتتi ۇنقاتىسۋ الاڭىنا اينالدى. ازاماتتىق قوعامنىڭ ءتۇرلi الەۋمەتتiك توپتارى مەن جالپى تۇرعىنداردىڭ مۇددەسiن كوزدەگەن كواليتسيا ءارالۋان كوزقاراس پەن ۇستانىمدار يەسi, ساياسي كۇشتەردiڭ اشىق پiكiر­تالاسى مەن ساليقالى ۇنقا­تىسۋىن قامتاماسىز ەتەدi. «كەڭەس قىلعان ەل ازباس» دەگەندەي, كواليتسيا باسقوسۋلارى بارىسىندا قىزۋ تالقىلاۋلار جولىمەن الەۋمەتتiڭ ەڭ بiر وزەكتi ءارi ماڭىزدى ماسەلەلەرi بويىنشا تۇتاس قوعامنىڭ ۇستانىمى قالىپتاسىپ جاتادى. ەل يگiلiگi ءۇشiن مەملەكەت تاراپىنان قابىلدانعان iلكiمدi شارالار جونiنەن قالىڭ جۇرتشىلىقتى حاباردار ەتۋگە ءارi ازاماتتاردىڭ وعان دەگەن سەنiمiن نىعايتۋعا سۇبەلى ۇلەس قوسۋشى جالپىۇلتتىق كواليتسيا قوعامنىڭ جۇدىرىقتاي جۇمىلۋىنا, وسى ارقىلى ەلباسىنىڭ مەملەكەتتiك باعىتىنىڭ جۇزەگە اسۋىنا ءوز سەپتiگiن تيگiزۋ ۇستiندە. ەستەرiڭiزگە سالا كەتسەم, بiز, ماسەلەن, قازاقستاننىڭ ەاەو-عا ەنۋi, سىبايلاس جەمقورلىققا قارسى ۇلتتىق ستراتەگيانى قابىلداۋ ماسەلەلەرiن جان-جاقتى سارالادىق. اكiمدەر سايلاۋى, جەرگiلiكتi ءوزiن ءوزi باسقارۋ, كاسiپوداقتار تۋرالى اسا ماڭىزدى جوبالار بارشامىزدىڭ ءوزارا قىزۋ تالقىلاۋىمىزدان ءوتتi. وسىنىڭ ءبارى ەلدە iسكە اسىرىلىپ جاتقان رەفورمالار بارىسىنا وزiندىك ىقپال ەتiپ, ەل مۇددەسiن دiتتەگەن قاجەتتi زاڭداردىڭ قابىلدانۋىنا جول اشتى. بۇگىندە كواليتسيا 6 جەتەكشi پارتيا مەن 18 iرi رەسپۋبليكالىق قوعامدىق بiرلەستiكتiڭ, سونداي-اق, 500-دەن استام وڭiرلiك ۇكىمەتتiك ەمەس ۇيىمنىڭ باسىن قوسقان الەۋەتتi كۇش», دەي كەلە, بۇگىنگى كۇنى ۇزىن سانى 6,5 ملن.-نان استام ادامنىڭ مۇددەسiن كوزدەگەن جالپىۇلتتىق كواليتسيانىڭ وسى وتىرىستا اسا ماڭىزدى ماسەلە, ەل پرەزيدەنتiن سايلاۋدى 2015 جىلى وتكiزۋ باستاماسىن تالقىلاۋعا جينالعاندارىن ايتىپ, ولاردىڭ ءوز وي-پىكىرلەرىمەن بولىسە وتىرۋىن سۇراعان. بۇدان كەيىن بەرىلگەن ءسوز كەزەگىن ءىلىپ اكەتكەن قحا توراعاسىنىڭ ورىنباسارى, پارلامەنت سەناتىنىڭ دەپۋتاتى اناتولي باشماكوۆ 2015 جىلى كەزەكتەن تىس پرەزيدەنتتىك سايلاۋ وتكىزۋ يدەياسىنىڭ اياق استىنان بولماعانىن, ونىڭ ويلانىپ-تولعانىپ بارىپ, جۇرتشىلىقتىڭ وتىنىشتەرى بويىنشا جاسالعانىن العا تارتتى. «بۇگىنگى كۇنى قازاقستاندىقتار تۇراقتى دا ۇيلەسىمدى قوعامدا ءومىر سۇرۋدە. ال ونى ساقتاپ قانا قويماي, ءارى قاراي دامىتا ءتۇسۋ اسا ماڭىزدى. پرەزيدەنت وسىدان بىرنەشە اي بۇرىن «نۇرلى جول» باعدارلاماسىن جاريا ەتتى. بۇل–بولاشاققا جول, بۇگىنگى الەمدە بولىپ جاتقان قيىندىقتار مەن قاتەرلەردى ەڭسەرۋدىڭ جولى», دەپ جانە الداعى 2016 جىلعا ەلىمىزدە ەكى ءىرى ەلەكتورالدى ناۋقاننىڭ تۇس كەلۋى بيۋدجەتكە سالماق تۇسىرەتىنىن ەسكە سالىپ, كەزەكتەن تىس سايلاۋ وتكىزۋ يدەياسىنىڭ وسى جاعىن دا قاپەردە ۇستاۋدى ەسكەرتتى. كاوليتسيا وتىرىسىندا «اق جول» پارتياسىنىڭ توراعاسى ازات پەرۋاشەۆ, قازاقستان كوممۋنيستىك حالىق پارتياسىنىڭ حاتشىسى جامبىل احمەتبەكوۆ, «اۋىل» سوتسيال-دەموكراتيالىق پارتياسىنىڭ توراعاسى عاني قاليەۆ, «بىرلىك» پارتياسىنىڭ جانە ازاماتتىق قوعامنىڭ بەلسەندى وكىلدەرى ءوز پىكىرلەرىن ورتاعا سالىپ, كەيبىرەۋلەرى مالىمدەمە دە جاساپ ۇلگەردى. ماسەلەن, «بىرلىك» ساياسي پارتياسىنىڭ مالىمدەمەسىندە: «ەلىمىزدىڭ جۇمىسشىلارى, ونەركاسىپ ورىندارىنداعى ينجەنەرلەرى, فەرمەرلەر مەن كاسىپكەرلەر, ۇستازدار مەن دارىگەرلەر, عالىمدار مەن ستۋدەنتتەر, مادەنيەت جانە قۇقىق سالاسىنىڭ قىزمەتكەرلەرى مۇشە بولىپ وتىرعان «بىرلىك» ساياسي پارتياسى قازاقستان حالقى اسسامبلەياسىنىڭ كەڭەسى باستاماشىلىق جاساعان 2015 جىلى كەزەكتەن تىس پرەزيدەنتتىك سايلاۋ وتكىزۋگە قاتىستى ءوزىنىڭ ۇستانىمىن بىلدىرەدى. بۇل سايلاۋدى وتكىزۋ يدەياسى قازىرگى كەزەڭدە تالاپ ەتىلگەن جاعداي بولىپ وتىر. كەزەكتەن تىس پرەزيدەنتتىك سايلاۋ ەلىمىزدىڭ قارقىندى دامۋىمەن قوسا, قابىلداعان ۇلتتىق جوسپارلارمەن بىرگە «نۇرلى جول» باعدارلاماسىنىڭ جۇزەگە اسىرىلۋىنا وڭ ىقپالىن تيگىزەتىنى ءسوزسىز. الەمدىك گەوساياسي جانە ەكونوميكالىق تۇراقسىزدىق جاعدايىندا ءبىزدىڭ بىرىگۋىمىزدىڭ, بارلىق مۇمكىندىكتەرىمىزدى جاھاندىق داعدارىستىڭ ەل ەكونوميكاسىنا تەرىس اسەرىن ەڭسەرۋگە باعىتتاۋدىڭ ماڭىزدىلىعى زور. مiنە, سوندىقتان دا «بiرلiك» پارتياسى اتالعان باستامانى تولىقتاي قولداپ وتىر...», دەلىنگەن. ال پاتريوتتار پارتياسىنىڭ توراعاسى عاني قاسىموۆ پەن «اۋىل» سوتسيال-دەموكراتيالىق پارتياسىنىڭ توراعاسى عاني قاليەۆ تە بۇگىنگى كۇنى پرەزيدەنتتىككە تەك نۇرسۇلتان نازارباەۆتىڭ لايىق ەكەندىگىن ايتتى. عاني قاسىموۆ: «ا» دەي وتىرىپ, «ب»-نى دا ايتۋىمىز كەرەك. پرەزيدەنتتىكتەن ۇمىتكەر رەتىندە مەملەكەت باسشىسى نۇرسۇلتان ءابىش ۇلى نازارباەۆتىڭ جالعىز كانديدات بولۋىن قالايمىز», دەپ وتىرىستان تىس جۋرناليستەر تاراپىنان قويىلعان ساۋالعا بىلاي دەپ جاۋاپ بەردى: «مەن قاراپايىم عانا ءبىر سەبەپپەن ءوز كانديداتۋرامدى ۇسىنبايمىن. ويتكەنى, مەن وسىعان دەيىن بۇل وزەنگە ەكى مارتە ءتۇسىپ شىققانمىن. پرەزيدەنتتىككە كانديدات بولۋدىڭ, اسىرەسە, كۇن سايىن ءدۇيىم ەلدىڭ نازارىندا بولۋدىڭ قانشالىقتى قيىن ەكەندىگىن بىلەمىن. ءۇشىنشى رەت كانديدات بولعىم كەلمەيدى. تاڭ اتقاننان كەشكە دەيىن سايلاۋ ناۋقانى بارىسىندا 2 اي بويى باسپاسوزبەن تىكەلەي ارالاسۋ وتە قيىن سىناق», دەدى. وتىرىس سوڭىندا ءاربىر ءۇيدىڭ, ەلىمىزدىڭ ءتۇتىنى ءتۇزۋ ۇشىپ, ىنتىماعى جاراسقان بەرەكەلى ەل بولۋداعى, كەزەكتەن تىس پرەزيدەنتتىك سايلاۋدى وتكىزۋدىڭ ماڭىزدىلىعىنا توقتالىپ, سايلاۋعا قاتىسۋعا شاقىرعان كاوليتسيا مۇشەلەرى قازاقستاندىقتارعا ءبىراۋىزدان ۇندەۋ ارنادى. انار تولەۋحانقىزى, «ەگەمەن قازاقستان».