بەينەۋ اۋدانىنىڭ تۇرىش اۋىلىنداعى ۇيلەردىڭ ءبىرىنىڭ اۋلاسىندا پوليتسيا مەن «بۇركىت» ارنايى جاساعىنىڭ بىرلەسكەن جەدەل-ىزدەستىرۋ ءىس-شارالارى بارىسىندا كيىك ەتتەرى مەن مۇيىزدەرىنىڭ زاڭسىز ساقتالعانى انىقتالدى.
ءتىنتۋ كەزىندە قىزىل كىتاپقا ەنگەن توعىز كيىكتىڭ ەتى, 30 ءمۇيىزى, 16 ميلليمەترلىك كاليبرلى وق-دارىلەر جانە وزگە دە زاتتاي ايعاقتار تابىلىپ, تاركىلەندى.
وقيعا بويىنشا سوتقا دەيىنگى تەرگەۋدىڭ بىرىڭعاي تىزىلىمىنە قىلمىستىق ءىس تىركەلدى. تاركىلەنگەن زاتتار ساراپتاماعا جىبەرىلدى. كۇدىكتىگە قاتىستى بۇلتارتپاۋ شاراسى رەتىندە ەلدەن شىقپاۋ تۋرالى قولحات الىندى.
ايتا كەتەيىك, زاڭ بۇزۋشىنى اشكەرەلەۋ بويىنشا وپەراتسيا ماڭعىستاۋ وبلىسى پروكۋراتۋراسىنىڭ ۇيلەستىرۋىمەن جۇرگىزىلدى.
