ءىس-شارا بارىسىندا جۇمىسشى ماماندىقتارى جىلىنا جانە «ادال ازامات» باعدارلاماسىنىڭ ىسكە اسىرىلۋىنا وراي ۇلكەن كورمە اشىلدى.
جيىندا قوستاناي وبلىسىنىڭ اكىمى قۇمار اقساقالوۆ ءبىلىم مەن تەحنولوگيا تەز وزگەرىپ جاتقان ۋاقىتتا ەلدىڭ بولاشاعى وقۋ ساپاسىنا تىكەلەي بايلانىستى ەكەنىن اتاپ ءوتتى.
كەڭەسكە ارنايى كەلىپ قاتىسقان وقۋ-اعارتۋ مينيسترلىگى اپپاراتىنىڭ باسشىسى تيمۋر ءابىلماجىنوۆ مۇعالىمدەرگە جاڭا وقۋ جىلىنداعى باستى باعىتتاردى, ستراتەگيالىق ماقساتتار مەن مىندەتتەر جونىندە باياندادى.
سونداي-اق, «KIA Qazaqstan» زاۋىتىنىڭ باس ديرەكتورى كيم دە كي وڭىردە ماشينا جاساۋ ونەركاسىبىنە كادرلار قاجەت ەكەنىن تىلگە تيەك ەتە كەلىپ, بۇگىنگى تاڭدا كاسىپورىن قوستاناي اۆتوكولىك كوللەدجىمەن بىرلەسە وتىرىپ, سۇرانىسقا يە مامانداردى دايارلاۋ ماسەلەسىنە باسا كوڭىل قويىپ وتىرعانىن ايتتى.
كەڭەس سوڭىندا وزىق مۇعالىمدەر ماراپاتتالدى. ماسەلەن, ارداگەر ۇستاز, قوستاناي قالاسىنىڭ قۇرمەتتى ازاماتى بەگەن كوپەشكە «قازاقستاننىڭ ەڭبەك سىڭىرگەن ۇستازى» قۇرمەتتى اتاعى تابىس ەتىلدى. ءتورت مۇعالىم ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىسىمەن ماراپاتتالدى. سونداي-اق, 25 مۇعالىم وبلىس اكىمىنىڭ گراموتاسىن الدى.
بەيىمبەت مايلين اۋدانىنىڭ ساپار ەرعاليەۆ اتىنداعى جالپى ءبىلىم بەرەتىن مەكتەبى «ورتا ءبىلىم بەرەتىن ۇزدىك مەكەمە» اتانسا, قوستاناي جوعارى پوليتەحنيكالىق كوللەدجى «تەحنيكالىق جانە كاسىبي ءبىلىم بەرەتىن ۇزدىك مەكەمە» بايقاۋىنىڭ جەڭىمپازى اتاندى. ەكى ءبىلىم ورداسىنا دا 68 ميلليون تەڭگەنىڭ سەرتيفيكاتى تابىستالدى.
قوستاناي وبلىسى
