الماتى وليمپياداسى

– وتانىمىزدى بۇكىل الەمگە تانىتۋدىڭ تاعى ءبىر مۇمكىندىگى الماتىدا سىرتقى ىستەر ءمينيسترى ەرلان ىدىرىسوۆ حالىق­ارالىق وليمپيادالىق كوميتەتتىڭ كوميسسياسىمەن كەزدەسۋ وتكىزىپ, بريفينگكە قاتىستى. ونىڭ بارىسىندا قازاقستاننىڭ 2022 جىلى الماتى قالاسىندا قىسقى وليمپيادانى وتكىزۋگە ءوتىنىمى قاراستىرىلدى. ە. ىدىرىسوۆ قازاقستان قىسقى وليمپيا ويىندارىن وتكىزۋگە ءوز كانديداتۋراسىن ۇسىنىپ, اتالعان كونكۋرسقا قاتىسقانىن ماقتان تۇتادى, دەپ اتاپ ءوتتى. «ءبىز قازاقستاندى بۇكىل الەمگە پاش ەتۋ مۇمكىندىگىنە قۋانىشتىمىز», دەدى ول وسى ورايدا. ە.ىدىرىسوۆ اتاپ وتكەندەي, الماتى قىسقى وليمپيادانى وتكىزۋگە تاپتىرماس جەر بولىپ تابىلادى. «ال­ماتىنىڭ ەڭ باستى ارتىقشىلىعى – ونىڭ گەوگرافيالىق ورنالاسۋى. باتىس جانە شىعىس وركەنيەتتەرىنىڭ قيىلىسۋ نۇكتەسىندە ورنالاسقان الماتى – ۇلى جىبەك جولىنىڭ قازىناسى, ماڭىزدى بولىگى بولعان», دەپ ەرەكشە ايتىپ ءوتتى سىرتقى ىستەر ءمينيسترى. سونىمەن قاتار, ول اتالعان وليم­پيادانى وتكىزۋ ورنى رەتىندە الماتىنى تاڭداۋدىڭ ارتىق­شى­لىعىنا بىرقاتار دەرەكتەر مەن دالەلدەر كەلتىردى. «2011 جىلى وتكەن قىسقى ازيا ويىندارى الماتى وسى سەكىلدى ويىندارعا ناعىز قىسقى, كەرەمەت جاعدايلار جاساي الاتىنىنىڭ ايقىن كورىنىسى بولدى. الماتىدا كەرەمەت قىسقى سپورت نىساندارى بار – مۇندا كوپتەگەن الەمدىك رەكوردتار قويىلدى, ال مەدەۋ مۇز ايدىنى بۇكىل الەمگە تانىمال», دەدى ەرلان ءابىلفايىز ۇلى. «وليمپيا ويىندارى وتكىزىلەتىن ورىن رەتىندە الماتى تاڭدالعان جاعدايدا, قامتيتىن اۋماعى بويىنشا الماتى وليمپياداسى سوڭعى ءۇش ونجىلدىقتا ەڭ ىقشامى بولادى. بۇل جەردە قاجەت ينفرا­قۇرى­لىم­نىڭ كوپ بولىگى دايىن. 14 قاجەت نىساننىڭ 8-ءى سالىنىپ, پايدالانۋعا بەرىلگەن, تاعى ۇشەۋى 2017 جىلعى ۋني­ۆەرسياداعا وراي سالىناتىن بولادى. تاعى قوسىمشا 3 نىسان سالۋ قاجەت. وسىلايشا, الماتىداعى وليم­پيادا سوڭعى ونجىلدىقتاردا ەڭ از شى­عىندى بولۋى مۇمكىن. بۇل, سونى­مەن قاتار, قالا ءۇشىن جانە جالپى قازاقستان ءۇشىن مول ينۆەستيتسيالار تارتادى», دەدى مينيستر. «وليمپيا ويىندارىن الماتىدا وتكىزۋ بارلىق قازاقستاندىقتار جانە بولاشاق ۇرپاعىمىز ءۇشىن ماقتان تۇتارلىق وقيعاعا اينالادى. بۇل ەلىمىزدەگى سپورتتىڭ قىسقى تۇرلەرىنىڭ دامۋىنا زور ەكپىن بەرەدى. بۇل, سونىمەن قاتار, كەڭەستىك تاريحى بار, ەڭ دامىعان 30 ەل قاتارىنا كىرۋدى كوزدەگەن ەلىمىزدىڭ جەتىستىكتەرىن, ەكونوميكالىق جانە ساياسي تابىستارىن دۇنيەجۇزىنە كورسەتۋ مۇمكىندىگى بولىپ تابىلادى», دەپ اتاپ ءوتتى ە.ىدىرىسوۆ. سىرتقى ساياسات ۆەدومستۆوسى باسشىسىنىڭ سوزىنە قاراعاندا, وليمپياداعا وراي سالىناتىن نىساندار ودان ءارى حالىققا قىزمەت ەتەتىن بولادى. «ەگەمەن-اقپارات».