El Pais باسىلىمىنىڭ جازۋىنشا, نەگىزگى ءورت وشاقتارى ەسترەمادۋرا, گاليسيا جانە كاستيليا-لەون ايماقتارىندا تىركەلدى. سونداي-اق ۇزىندىعى 50 شاقىرىمعا جۋىق «كامينو-دە-سانتياگو» قاجىلىق باعىتىنىڭ ءبىر بولىگى ۋاقىتشا جابىلدى.
ەۋروپالىق ورمان ورتتەرى تۋرالى اقپارات جۇيەسىنىڭ 18 تامىزداعى دەرەگىنە سايكەس, قازىردىڭ وزىندە 38 مىڭ گەكتاردان استام اۋماق جانىپ كەتكەن. سالىستىرۋ ءۇشىن, وتكەن جىلى يسپانيادا نەبارى 42 گەكتار ورمان ورتەنگەن.
ءورت سالدارىنان شامامەن 30 مىڭ ادام ەۆاكۋاتسيالاندى. ءتورت ادامنىڭ قازا تاپقانى حابارلاندى.
ۇلتتىق مەتەورولوگيالىق اگەنتتىكتىڭ بولجامىنشا, الداعى كۇندەرى ەلدىڭ باسىم بولىگىندە اۋا تەمپەراتۋراسى تومەندەپ, ىلعالدىلىق ارتادى. دەگەنمەن, ەلدىڭ وڭتۇستىگىندە, سونىڭ ىشىندە ەسترەمادۋرا ايماعىندا ىستىق اۋا رايى ساقتالماق.
