ادۆوكات 19 تامىز, سەيسەنبى كۇنى Telegram-ارناسىندا مالىمدەمە جاسادى.
«بۇگىن مەنىڭ قورعاۋىمداعى جومارت مۋراشيموۆ كوما جاعدايىندا يزولياتوردان جەتكىزىلىپ, كوز جۇمدى», – دەدى ول.
قورعاۋشىنىڭ ايتۋىنشا, بۇعان دەيىن ادۆوكاتتار سوتتان مۋراشيموۆقا قاتىستى بۇلتارتپاۋ شاراسىن ءۇي قاماققا نەمەسە كەپىلگە اۋىستىرۋدى سۇراعان. ويتكەنى ونىڭ دەنساۋلىعىنا اۋىر دەرتتەن قاۋىپ تونگەن.
الايدا سوت قاماۋدا ۇستاۋ تۋرالى شەشىمدى وزگەرىسسىز قالدىردى. سەبەبى سيزو-نىڭ مەديتسينالىق بولىمشەسى سوتقا مۋراشيموۆتىڭ دەنساۋلىعى «باقىلاۋدا جانە قاداعالاۋدا» ەكەنىن مالىمدەگەن.
قازاقستاندىق باق-تىڭ حابارلاۋىنشا, شىمكەنتتەگى №2 ارنايى حقكو-نىڭ بۇرىنعى باسشىسى جۇرگىزۋشى كۋالىكتەرىن تەوريالىق جانە پراكتيكالىق ەمتيحانسىز بەرۋ ىسىمەن اينالىسقان قىلمىستىق توپتى ۇيىمداستىرۋ ءىسى بويىنشا تەرگەلىپ جاتقان.
