مينيستر جاسلان ماديەۆتىڭ ايتۋىنشا, بۇل تەك باستاماسى.
«جوبانىڭ قورىتىندىسىن كورىپ, ناتيجەسىن سارالايمىز. ەگەر ءتيىمدى بولسا, باسقا باعىتتارعا دا ەنگىزەمىز», دەدى ول.
قازىر مينيسترلىك تەمىرجول سالاسىندا بەس باعىتتا تسيفرلاندىرۋدى قولعا الىپ وتىر. ولار: مەملەكەتتىك قىزمەتتەردى ەلەكتروندى فورماتقا كوشىرۋ, بيزنەس-پروتسەستەردى قايتا قاراۋ, يننوۆاتسيالىق ەكوجۇيە قۇرۋ, پويىزداردى ينتەرنەتپەن قامتاماسىز ەتۋ جانە ترانزيتتىك جۇك تاسىمالىن ونلاين قاداعالاۋ جۇيەسىن ەنگىزۋ.
ايتا كەتەيىك, بۇعان دەيىن OneWeb سپۋتنيكتىك ينتەرنەتى دە سىناقتان وتكەن. ول Talgo پويىزدارىندا – №3/4 (استانا – الماتى) جانە №67/68 (استانا – وسكەمەن) باعىتتارىندا تەكسەرىلگەن. ارنايى قايتا باپتالعان مۋلتيمەديالىق جابدىق ارقىلى جىلدامدىعى 100 مبيت/س-قا دەيىن جەتكەن, ال ينتەرنەتتىڭ كىدىرىسى 70 مس شاماسىندا بولعان.
