فوتو: قورعانىس مينيسترلىگى
جاڭا قۇرىلىم قارۋلى كۇشتەردىڭ تسيفرلىق ترانسفورماتسياسىنىڭ نەگىزگى ەلەمەنتى بولماق. بولىمشەنىڭ نەگىزگى مىندەتى – دەرەكتەردىڭ ۇلكەن ماسسيۆتەرىن تالداۋ, باسقارۋدى اۆتوماتتاندىرۋ, جەدەل ستسەناريلەردى مودەلدەۋ جانە قازىرگى اسكەري جاعدايدا باسقارۋ شەشىمدەرىن قابىلداۋ جىلدامدىعىن ارتتىرۋ ءۇشىن جاساندى ينتەلەكت شەشىمدەرىن ازىرلەۋ جانە ەنگىزۋ.
قورعانىس ءمينيسترى اۆياتسيا گەنەرال-لەيتەنانتى داۋرەن قوسانوۆ جاساندى ينتەللەكت تەحنولوگيالارىن ارميا قىزمەتىنە ينتەگراتسيالاۋ جاڭعىرتۋ جولىنداعى ماڭىزدى قادام بولىپ تابىلاتىنىن جانە قورعانىس سالاسىنداعى الەمدىك ۇردىستەرگە سايكەس كەلەتىنىن اتاپ ءوتتى.
بولىمشە وتاندىق جانە حالىقارالىق عىلىمي-زەرتتەۋ ورتالىقتارىمەن, جەتەكشى ۋنيۆەرسيتەتتەرمەن جانە بەيىندى IT-كومپانيالارمەن ءوزارا ءىس-قيمىل جاسايتىن بولادى. بۇل ءتاسىل قورعانىس سالاسىنا وزىق ازىرلەمەلەردى ەنگىزىپ قانا قويماي, جاساندى ينتەللەكتتى اسكەري قولدانۋدىڭ ۇلتتىق مەكتەبىن قالىپتاستىرۋعا مۇمكىندىك بەرەدى.
جاساندى ينتەللەكتتى ەنگىزۋ جونىندەگى بولىمشەنى قۇرۋ كادرلىق الەۋەتتى دامىتۋعا باعىتتالعان.
وسىعان سايكەس, قازىرگى زامانعى الگوريتمدەرمەن جانە جۇيەلەرمەن جۇمىس ىستەۋگە قابىلەتتى وفيتسەر-تالداۋشىلار مەن تسيفرلىق تەحنولوگيالار سالاسىنداعى مامانداردى دايارلاۋ جوسپارلانىپ جاتىر.
وسىلايشا, قورعانىس مينيسترلىگى جاساندى ينتەللەكت ۇلتتىق قورعانىستىڭ تيىمدىلىگىن, قاۋىپسىزدىگىن جانە تاۋەلسىزدىگىن ارتتىرۋ قۇرالى بولاتىن جاڭا باسقارۋ ارحيتەكتۋراسىن قالىپتاستىرۋعا ستراتەگيالىق قادام جاسايدى.
