فوتو: سۋ رەسۋرستارى جانە يرريگاتسيا مينيسترلىگى
ساراپشىنىڭ ايتۋىنشا, قازاقستاندا اتالعان مينيسترلىكتىڭ قۇرىلعانىنا نەبارى ەكى جىل عانا بولسا دا, ول ەلدىڭ سۋ شارۋاشىلىعىن دامىتۋ ءۇشىن قاجەت كوپتەگەن باعىتتى قامتىدى.
«سولاردىڭ ىشىندە اسا ماڭىزدى قۇرامداس بولىك – سۋ ديپلوماتياسى. ياعني ورتالىق ازيا ەلدەرى اراسىنداعى ديالوگ الاڭدارى مەن كەلىسسوزدەر پروتسەستەرىن قامتاماسىز ەتۋ, سونداي-اق سۋ شارۋاشىلىعى سالاسىنداعى قازاقستان الدىندا تۇرعان ماسەلەلەردى شەشۋ ءۇشىن مۇددەلى ارىپتەستەردى تارتۋ. بۇل – وتە كۇردەلى ۇدەرىس, الايدا سوڭعى ەكى جىلدا قازاقستان رەسپۋبليكا مەن حالىقتىڭ سۋ قاۋىپسىزدىگىن قامتاماسىز ەتۋ ءۇشىن مەملەكەتارالىق ارىپتەستىكتى دامىتۋعا كوپ كۇش سالىپ كەلەدى», دەدى الەكساندر نيكولاەنكو.
ا.نيكولاەنكو قازاقستان مەن وزبەكستاننىڭ سىرداريا وزەنىنىڭ ورتا جانە تومەنگى اعىسىنداعى ون گيدروبەكەتتى اۆتوماتتاندىرۋ جونىندەگى بىرلەسكەن باستاماسىن ەرەكشە اتاپ ءوتتى.
ساراپشىنىڭ پىكىرىنشە, مينيسترلىكتىڭ قۇرىلۋى قازاقستانداعى سۋ ماسەلەلەرىن جوعارى ساياسي دەڭگەيگە كوتەرىپ, ەلدىڭ العا قويعان ماقساتتارىن ىسكە اسىرۋعا دەگەن نيەتىن ايقىندادى. مىسال رەتىندە جاڭا سۋ كودەكسىنىڭ دايىندالۋى مەن قابىلدانۋىن كەلتىردى.
«قازاقستاندا سۋ كودەكسىن ازىرلەۋ بىرنەشە جىل بويى جۇرگىزىلدى. ءدال وسى مينيسترلىكتىڭ قۇرىلۋى جوبانى پارلامەنت پەن وزگە دە مەملەكەتتىك ورگاندار دەڭگەيىنە شىعارۋعا مۇمكىندىك بەردى, ويتكەنى كەلىسۋ – وتە كۇردەلى پروتسەسس. قازاقستاننىڭ جاڭا سۋ كودەكسىندە تەك ەل ءۇشىن عانا ەمەس, بۇكىل ءوڭىر ءۇشىن دە وزەكتى, جاڭا ءارى قىزىقتى نورمالار بار. ءبىز بۇل نورمالار ورتالىق ازيانىڭ باسقا مەملەكەتتەرىنىڭ زاڭنامالىق بازاسىندا دا كورىنىس تابادى دەپ ۇمىتتەنەمىز», دەدى ساراپشى.
