ەۇۋ تاعى دا ءبىرىنشى!

كيبەرنەتيكا لابوراتورياسى (Cybermetics) يسپانيا ۇلتتىق زەرتتەۋ كەڭەسiنiڭ اقپارات جانە قۇجاتتاما ورتالىعىنىڭ رەسمي ۆەب-رەسۋرسىندا Webometrics ءبىلىم بەرۋ سايتتارىنىڭ رەيتين­گىسىندە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قازاقستان بويىنشا العاشقى ورىندى يەلەنىپ, دۇنيەجۇزى بويىنشا ۇزدىك 2 000-ورىنعا تابان تىرەگەنى جانە الەمدەگى 20 000 جوو اراسىنان 1 836-ورىنعا, ازيا بويىنشا 8 902 جوو اراسىنان 574-ورىن العاندىعى بەلگىلى بولدى. Webometrics رەيتينگىسى ۋنيۆەر­­سيتەت جاريالايتىن ۆەب-بەتتەردiڭ كولەمىمەن, (كورنە­كiلiك) جانە اسەرىمەن (تيiمدiلiك) ولشەنەدi, ۋنيۆەرسيتەتتەگى عالامتور جەلىسىندەگى عىلىمي جاريا­لانىمدار, ءار جوو عا­لىم­دارىنىڭ زەرتتەۋ ەڭبەك­تەرى, ولارعا جاسالعان سىلتەمە ەسكەرىلىپ, باستى نىساناعا جوو-نىڭ عىلىمي-زەرتتەۋ الەۋەتى الىنادى. وتاندىق جانە شەتەل­دىك جوو-لارمەن, عىلىم-ءبىلىم بەرۋ ۇيىمدارىمەن تىعىز ىنتىماقتاستىق ەتۋدىڭ ارقاسىندا ەۋرازيا ۇلتتىق ۋني­ۆەرسيتەتى قازاقستاندىق جوو-لار اراسىندا جاسالىناتىن سىلتەمەلەردىڭ ۆەب-دومەندەر سانى بويىنشا كوش باستادى. ناتيجەسىندە ەۇۋ وتاندىق 111 جوو اراسىنان قازاقستان بويىنشا Webometrics رەيتينگىسىنە سايكەس ءبىرىنشى ورىنعا جانە بۇكىل الەم بويىنشا 20 000 جوو مەن ءبىلىم بەرۋ ۇيىمدارى اراسىنان 1 836-شى ورىنعا تۇراقتادى. رەسپۋبليكامىز بويىنشا ەكىنشى ورىندا – ءال-فارابي اتىنداعى قازاق ۇلتتىق ۋنيۆەرسيتەتى (الەمدىك رەيتينگ بويىنشا 2 193-ورىن), قازاق ۇلتتىق اگرارلىق ۋنيۆەرسيتەتى ءۇشىنشى ورىن (2 528-ورىن), ءتورتىنشى ورىندا – س.اسفەندياروۆ اتىنداعى قا­زاق ۇلتتىق مەديتسينالىق ۋني­ۆەرسيتەتى (2 837-ورىن), بەسىنشى ورىندا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى (2 936-ورىن). Webometrics رەيتينگىسىندە سايتتاردى باعالاۋدىڭ ەكىنشى ماڭىزدى كريتەريى – عالامتور جەلىسىندە ۇسىنىلعان عىلىمي ماقالالار, جوو عالىمدارىنىڭ زەرتتەۋلەرى مەن ولاردىڭ دايەكسوز كورسەتكىشىنىڭ بولۋى. بۇگىندە ەۋرازيالىقتاردىڭ ەلەكتروندىق عىلىمي ماقا­لالارعا اشىق قولجەتىمدىلىك مۇمكىندىگىمەن قامتاماسىز ەتەتىن ەۋرازيا ۇلتتىق ۋنيۆەرسيتەتىنىڭ رەپوزيتوري قورىندا 10 000-نان استام ماتەريال بار. بۇل رەتتە ل.ن.گۋميلەۆ اتىنداعى ەۇۋ قازاقستاندىق جوو اراسىندا العاش بولىپ شەتەلدەگىدەي ماقالالارعا ەركىن قولجەتىمدىلىك مۇمكىندىگىن تاجىريبەدە قولدانىپ كەلەدى. Webometrics رەيتينگىسى جىلىنا ەكى رەت قاڭتار جانە شىلدە ايلارىندا ۋنيۆەرسيتەتتەر سايتىنىڭ رەيتينگىسىن جاريالاسا, ەۇۋ-ءدىڭ رەسمي ۆەب-سايتى بۇعان دەيىن دە قازاقستاندىق جوو-لار اراسىنداعى رەيتينگىدە بىرنەشە مارتە كوش باستاعان بولاتىن. «ەگەمەن-اقپارات».