باسقوسۋدا جاعالاۋ اۋماعىن اباتتاندىرۋ, ينفراقۇرىلىمدى جاڭعىرتۋ جانە بيزنەستىڭ مۇددەسىن قورعاۋ ماسەلەلەرى تالقىلاندى.
كەزدەسۋگە قوناەۆ قالاسىنىڭ اكىمى اسحات بەردىحانوۆ, «اتامەكەن» كاسىپكەرلەر پالاتاسىنىڭ, «جاسىل قالا» مەكەمەسىنىڭ وكىلدەرى مەن كاسىپكەرلەر قاتىستى.
ناۋرىز سايلاۋباي قاپشاعاي سۋ قويماسىنىڭ تۋريستىك الەۋەتىن بيزنەس وكىلدەرىمەن بىرلەسىپ دامىتۋدىڭ ماڭىزدىلىعىن اتاپ ءوتتى.
– ءبىز جاعالاۋ ايماعىنىڭ دامۋى كاسىپكەرلەردىڭ قۇقىقتارىن شەكتەۋ ەسەبىنەن ەمەس, ولارمەن ارىپتەستىك ارقىلى جۇزەگە اسۋى ءۇشىن كۇش سالامىز. ءتۋريزمدى دامىتۋعا ءوز كۇشىن دە, قاراجاتىن دا جۇمساپ جۇرگەن ازاماتتاردىڭ مۇددەلەرى قورعالۋعا ءتيىس, – دەدى دەپۋتات.
كەزدەسۋگە باستاماشى بولعان كاسىپكەردىڭ ءبىرى كامبار بايكەنوۆ تۋريزم سالاسىنىڭ باسقارىلۋى ءتيىستى قۇرىلىمدا بولۋى كەرەكتىگىن ايتتى.
– تۋريزم – بۇل ءوز ستراتەگياسى مەن تاسىلدەرىن قاجەت ەتەتىن بولەك باعىت. بۇل ماسەلەنى تۇرعىن ءۇي-كوممۋنالدىق شارۋاشىلىعى ەمەس, تۋريزم ءبولىمى قاداعالاۋى كەرەك. سوندا عانا جاعالاۋ ايماعىن جۇيەلى تۇردە دامىتىپ, تۋريستەردى تارتا الامىز, – دەدى ول.
باسقوسۋدا كاسىپكەرلەر ينجەنەرلىك كوممۋنيكاتسيالاردىڭ جوقتىعى, كەشەندى اباتتاندىرۋدىڭ قاجەتتىلىگى مەن اكىمشىلىك شەكتەۋلەر سياقتى بىرقاتار ماسەلەگە نازار اۋداردى. قالا اكىمدىگى مەن ءتيىستى مەكەمەلەر وكىلدەرى بۇل ماسەلەلەردى بىرلەسە شەشۋگە دايىن ەكەندەرىن جەتكىزدى.
كەزدەسۋ قورتىندىسى بويىنشا وسى ماۋسىمنىڭ سوڭىنا دەيىن № 6 جاعاجايدى دامىتۋ جوسپارىن دايىنداۋ تۋرالى شەشىم قابىلداندى.
