ءبىرىنشى كرەديتتىك بيۋرونىڭ مالىمەتىنشە, شىلدەدە ەلورداداعى ەكىنشى نارىقتاعى پاتەرلەردىڭ باعاسى ايدان ايعا 1,5%-عا قىمباتتادى. بۇل قر سجرا ۇسب دەرەكتەرى بويىنشا, سوڭعى جەتى ايداعى ەڭ جوعارى باعا ءوسىمى.
بۇعان دەيىن استانادا ەكىنشى نارىقتاعى تۇرعىن ءۇي باعاسى ساۋىردەن ماۋسىمعا دەيىن قاتارىنان ءۇش اي بويى ارزانداعان ەدى. مۇنداي جاعدايلار جالپى سيرەك كەزدەسەدى – سوڭعى تولىق ەمەس سەگىز جىل ىشىندە مۇنداي جاعداي تەك ەكى رەت بولعان. ادەتتە اي قورىتىندىسى بويىنشا باعالار نە وسەدى, نە ءبىر دەڭگەيدە قالادى.
سونىمەن قاتار ەلوردادا جالعا بەرىلەتىن تۇرعىن ءۇي قۇنى دا ايتارلىقتاي ءوستى – ماۋسىممەن سالىستىرعاندا 1%-عا. باستاپقى نارىقتاعى پاتەرلەر دە قىمباتتاعان, بىراق ايتارلىقتاي ەمەس – ايدان ايعا 0,3%-عا.
ال الماتىدا جاڭا پاتەرلەردىڭ باعاسى ايلىق ماندە مۇلدە وزگەرگەن جوق, ال ەسكى پاتەرلەر 1%-عا قىمباتتادى. مامىرداعى باعالاردىڭ كۇرت تومەندەۋىنەن كەيىن مۇندا جالعا الۋ باعاسى ەكى اي قاتارىنان باياۋ وسۋدە, ناقتىراق ايتقاندا, شىلدەدە ايدان ايعا 0,5%-عا قىمباتتادى.
