الدىن الا «قازاۆتوجولدىڭ» اقپاراتى بويىنشا, Toyota Alphard اۆتوكولىگىنىڭ جۇرگىزۋشىسى رولگە يە بولا الماي, كولىك اۋدارىلىپ كەتكەن.
«قازا بولعانداردىڭ تۋعان-تۋىستارىنا قايعىرىپ كوڭىل ايتامىز. جۇرگىزۋشىلەرگە جىلدامدىق رەجيمىن قاتاڭ ساقتاپ, كولىكتىڭ تەحنيكالىق جاعدايىن الدىن الا تەكسەرۋ قاجەتتىگىن ەسكە سالامىز», دەپ حابارادى قازاۆتوجول.
وبلىستىق پوليتسيا دەپارتامەنتىنىڭ حابارلاۋىنشا, وقيعا وشاعاندى اۋىلى ماڭىندا بولعان. 30 جاستاعى Toyota Alphard اۆتوكولىگىنىڭ جۇرگىزۋشىسى رولگە يە بولا الماي قالعان. كولىك جول جيەگىندەگى سايعا اۋدارىلىپ كەتكەن. جكو سالدارىنان 3 ادام وقيعا ورنىندا قازا تاپتى, التى ادام جاراقات الدى.
اتالعان فاكتى بويىنشا قىلمىستىق ءىس قوزعالدى. قازىرگى ۋاقىتتا بولعان جاعدايدىڭ بارلىق ءمان-جايىن انىقتاۋعا باعىتتالعان تەرگەۋ ءىس-شارالارى جۇرگىزىلىپ جاتىر.
