زاۋىت ونىمدەرى تولىق دەرلىك ەكسپورتتالادى. زاماناۋي ۇلگىدەگى ءوندىرىس ورنىنىڭ قۇرىلىس جۇمىستارى ساپالى ورىندالىپ, سوڭعى ۇلگىدەگى تەحنولوگيالار قولدانىلعان. وبلىس اكىمى نۇرالحان كوشەروۆ پەن كومپانيا ديرەكتورى سيان گۋانجۋي زاۋىتتىڭ لەنتاسىن قيىپ, ارنايى باتىرمانى باسۋ ارقىلى نىساندى ىسكە قوستى.
– مەملەكەت باسشىسى قاسىم-جومارت كەمەل ۇلى توقاەۆ ەكونوميكانى ءارتاراپتاندىرۋ, ينۆەستيتسيا تارتۋ, ءوندىرىس ورىندارىن اشۋ جونىندە تاپسىرما بەردى. بۇل باعىتتا وبلىسىمىزدا ناقتى جۇمىستار اتقارىلىپ جاتىر. بۇگىن اشىلعان اليۋميني بۇيىمدارىن ءوندىرۋ زاۋىتىندا زاماناۋي جانە يننوۆاتسيالىق تەحنولوگيالار قولدانىلعان. جوبا وڭىردە ونەركاسىپ سالاسىن دامىتۋعا جانە كىرىس كوزدەرىن ۇلعايتۋعا ىقپال ەتەدى. بۇل جوبانىڭ جۇزەگە اسىرىلۋى – ءبىزدىڭ ورتاق جەتىستىگىمىز. مەنىڭ ارمانىم جانە ماقساتىم – تۇركىستاندى دوتاتسيالىق ءوڭىر دەڭگەيىنەن ءوز بيۋدجەتىن قامتيتىن, ءوندىرىسى دامىعان وبلىسقا اينالدىرۋ. سوندىقتان وبلىسىمىزدا, ونىڭ ىشىندە ورداباسى اۋدانىندا وندىرىستىك جوبالاردى كوبەيتۋدى جوسپارلاپ وتىرمىز. يندۋستريالىق ايماقتاردىڭ جۇمىسىن جانداندىرىپ, جاڭا جوبالاردى جۇزەگە اسىرامىز. وعان تولىق مۇمكىندىگىمىز بار, – دەدى وبلىس اكىمى نۇرالحان كوشەروۆ.
سونداي-اق وبلىس اكىمى جاۋاپتى تۇلعالار مەن كاسىپكەرلەرگە زاۋىتتىڭ جۇمىسىن ساپالى ۇيلەستىرۋدى تاپسىرىپ, بۇل باعىتتا جان-جاقتى قولداۋ بولاتىنىن ەسكە سالدى.
عالىمجان ەلشىباي,
