قازىرگى تاڭدا «بولاشاق» حالىقارالىق ستيپەندياسىنا ۇمىتكەرلەر سانى وتە كوپ. بارلىق باعدارلاما مەن باعىتتار بويىنشا جالپى كونكۋرس ءبىر ورىنعا 4 ادامدى قۇرادى.
بيىل بۇل جاڭا ەرەجە بويىنشا وتكىزىلىپ جاتقان «بولاشاق» ستيپەندياسىن تاعايىنداۋعا ارنالعان ەكىنشى بايقاۋ اتاپ وتكەن ءجون. ۇمىتكەرلەر كونكۋرستىق ىرىكتەۋدىڭ ءۇش كەزەڭىنەن ءوتتى: كەشەندى تەستىلەۋ, اڭگىمەلەسۋ جانە ەڭ جوعارى بالل جيناعان قاتىسۋشىلاردى رەسپۋبليكالىق كوميسسيا ىرىكتەۋ.
شاكىرتاقى الۋعا 981 ۇمىتكەر ءوتىنىش ءبىلدىردى. ونىڭ 916-سى ءبىرىنشى, 659-ى ەكىنشى, 217-ءسى ءۇشىنشى كەزەڭدى اياقتادى.
وتىرىس بارىسىندا رەسپۋبليكالىق كوميسسيا 217 قازاقستان ازاماتىنا «بولاشاق» حالىقارالىق ستيپەندياسىن تاعايىنداۋ تۋرالى شەشىم قابىلدادى.
ونىڭ ىشىندە 167 ادام ماگيستراتۋرادا, 13-ءى دوكتورانتۋرادا, ال 37 قازاقستاندىق الەمنىڭ ۇزدىك ۋنيۆەرسيتەتتەرى مەن ورتالىقتارىندا كاسىبي تاعىلىمدامادان وتەدى.
بۇل رەتتە ستيپەندياتتاردىڭ 67,7%-ى جاراتىلىستانۋ جانە تەحنيكالىق پاندەر بويىنشا, 32,3%-ى الەۋمەتتىك-گۋمانيتارلىق باعىتتا ءبىلىم الادى.
رەسپۋبليكالىق كوميسسيا عىلىمي تاعىلىمدامادان وتۋگە كونكۋرستىق ىرىكتەۋ ناتيجەلەرىن دە قارادى. بارلىعى 165 ءوتىنىم بەرىلدى. ءۇش دەڭگەيلى كونكۋرستىق ىرىكتەۋ قورىتىندىسى بويىنشا 68 قازاقستاندىققا الەمنىڭ جەتەكشى عىلىمي-زەرتتەۋ ورتالىقتارىندا عىلىمي تاعىلىمدامادان وتۋگە ستيپەنديا بەرىلدى.
كەزدەسۋ قورىتىندىسى بويىنشا مەملەكەتتىك كەڭەسشى ەرلان قارين «بولاشاق» حالىقارالىق ستيپەندياسىن ودان ءارى جۇزەگە اسىرۋ جانە جەتىلدىرۋ بويىنشا ناقتى تاپسىرمالار بەردى.
