قازا تاپقان اسكەريدىڭ موينىنان كوپ اقشا كەم شىققان

استانا. 17 اقپان. بۇدان بىرنەشە كۇن بۇرىن قورعانىس مينيسترلىگى عيماراتىنىڭ ماڭىندا بولعان جارىلىستان قازا تاپقان پودپولكوۆنيك ارمان سىزدىقوۆتىڭ قىزمەتىندەگى تاۋار-ماتەريالدىق قۇندىلىعى 798,6 ميلليون تەڭگەگە كەم بولىپ شىققان. بۇل تۋرالى «مەگاپوليس» گازەتى حابارلادى. ەسكە سالا كەتەيىك, جارىلىس استانادا 10 اقپان كۇنى قورعانىس مينيسترلىگىنىڭ جانىندا, دوستىق كوشەسىنىڭ بويىندا بولدى. Chevrolet ماركالى كولىگىندە بولعان سىزدىقوۆ العان جاراقاتتارىنان سول جەردە قازا تاپتى. باسقا ەشكىم زارداپ شەككەن جوق. بۇقارالىق اقپارات قۇرالدارىنىڭ مالىمدەۋىنشە, جەتىسپەۋشىلىك تۋرالى 2015 جىلدىڭ باسىندا جۇرگىزىلگەن ينسپەكتورلىق تەكسەرىس بارىسىندا انىقتالعان. استانادا بولعان جارىلىستان قازا تاپقان قارۋلى كۇشتەرىندە اقپاراتتاندىرۋ جانە تەلەكوممۋنيكاتسيا باس باسقارماسىنىڭ ەسەپ باعدارلاماسىمەن قامتاماسىز ەتۋ جانە ەسەپتەۋ تەحنيكاسىمەن جابدىقتاۋ ءبولىمىنىڭ باسشىسى سىزدىقوۆتا 8 اتاۋ بويىنشا تاۋار-ماتەريالدىق قۇندىلىعى كەم شىققان. قاندايدا ءبىر اقتايتىن قۇجاتتار ازىرشە تابىلعان جوق. باسقارمانىڭ بۇرىنعى باسشىسى مەيىرجان ءجۇمادىلوۆتىڭ 2014 جىلى قاراشادا «قىزمەتتەگى قۇقىققا قايشى ارەكەتتەرىنە بايلانىستى» قىزمەتىنەن شەتتەتىلگەنى بەلگىلى. بۇل باسشى تەك باس باسقارما باسشىسىنىڭ مىندەتىن اتقارعان. سونىمەن قاتار, پودپولكوۆنيكتىڭ جەكە ومىرىنە قاتىستى مالىمەتتەر انىقتالدى. سىزدىقوۆ اناسى ومىردەن وتكەننەن كەيىن قاتتى قايعىرعان. ول 2001 جىلى قايتىس بولعان, ءولىمىنىڭ ءبىر نۇسقاسىندا سۋيتسيد قاراستىرىلعان. وفيتسەر نەۆروپاتولوگتىڭ قىزمەتىنە بىرنەشە رەت جۇگىنگەن. ول 2003 جىلى الماتىداعى اسكەري-كلينيكالىق گوسپيتالدا جاتىپ ەمدەلگەن. وعان اۋرۋ سيندرومدارى بار ەكىنشى دارەجەلى وڭ جاقتىڭ نەفروپتوزى دەگەن دياگنوز قويىلدى. سونىمەن قاتار, رەميسسيا ساتىسىنداعى وڭ جاقتاعى سوزىلمالى پيەلونەفريتتىڭ قايتالانۋى...», بىراق بەيبىت ۋاقىتتا قىزمەتكە جارامدى دەپ تانىلدى. سىزدىقوۆتىڭ جەكە ومىرىنە دە قاتىستى جاڭا مالىمەتتەر بار. تۋىستارىنىڭ ايتۋلارىنشا, ونىڭ ەكى وتباسىسى بولعان. پودپولكوۆنيك ولەر شاعىنداعى سوڭعى حاتىندا اماناتىن زاڭدى جارى گاۋھارعا ەمەس, ازاماتتىق نەكەدەگى ايەلى ايمانعا ايتقان. ال حات كولىك جۇكسالعىشىندا بولعاندىقتان, جارىلىس كەزىندە ب ۇلىنبەگەن. كەيىن قورعانىس ءمينيسترى يمانعالي تاسماعامبەتوۆ حاتتىڭ تۇپنۇسقا ەكەنىن جانە وندا فاميليالاردىڭ اتالعانىن راستادى. بۇلارعا ققوسا, اسكەري قىزمەتكەردىڭ كومپيۋتەرلىك ويىنداردىڭ قۇمار ويىنشىسى بولعانى انىقتالدى. الەۋمەتتىك جەلىلەردە ول ءوزىن «نوماد» دەگەن لاقاپ اتپەن اتاعان. اقپارات قۇرالىنىڭ مالىمەتىنشە, جارىلعان اسكەري گرانات جاركەنت موتواتقىشتار پولكىندەگى قىزمەتى كەزىنەن ساقتالىپ قالۋى مۇمكىن. استاناداعى جارىلىستى تەرگەپ جاتقان قازاقستان ىشكى ىستەر مينيسترلىگى اسكەري-تەرگەۋ باسقارماسى «ءوزىن-ءوزى ولتىرۋگە يتەرمەلەۋ جانە «جارىلعىش زاتتار مەن جارىلعىش قۇرالداردى زاڭسىز ساقتاۋ جانە الىپ ءجۇرۋ» باپتارى بويىنشا قىلمىستىق ءىس قوزعادى. قۇرىش نۇرىمبەت. دەرەك, سۋرەت: مەگاپوليس.