فوتو: Ru.freepik.com
بوزىمباەۆتىڭ ايتۋىنشا, قازىرگى تاڭدا جەر ۇيلەردى ساقتاندىرۋ جۇيەسىنە بايلانىستى شارالار حالىقارالىق بانكتەرمەن بىرگە تالقىلانىپ جاتىر.
تولەمدى جىلىنا 1 رەت جۇرگىزۋ جوسپارلانعان. ال ونىڭ كولەمى ءۇي ساپاسىنا قاراي ناقتىلانادى.
جەر ۇيلەردى ساقتاندىرۋ جەر سىلكىنىسى, سۋ تاسقىنى, ءورت بولعان جاعدايلاردا تىعىرىقتان شىعۋ كەزىندە ماڭىزدى بولماق.
بۇل تولەم جەر سىلكىنىسى ءجيى بولاتىن وڭتۇستىك جانە شىعىستاعى اۋىل ۇيلەرى ءۇشىن مىندەتتەلەدى.
ايتا كەتەيىك, قازىر باسپانانى ساقتاندىرۋدىڭ ەرىكتى ءتۇرى عانا بار. ەرىكتى ساقتاندىرۋدىڭ ءوزى يپوتەكا ءۇشىن عانا بەلگىلەنگەن. ال رەسمي دەرەككە سۇيەنسەك, ەل اۋماعىنىڭ 75%-ى جەر سىلكىنىسى, تاسقىن, ورمان ءورتى سياقتى تابيعي اپاتتار قاۋپى جوعارى ايماققا جاتادى. 2024 جىلى توتەنشە جاعدايلاردان كەلگەن شىعىن 460 ملرد تەڭگەگە جەتىپ, 2023 جىلمەن سالىستىرعاندا 2,6 ەسە وسكەن.
