فوتو ©ايناش ءوندىرىس
باس جوسپار بويىنشا الاتاۋ قالاسىنىڭ اۋماعى 88 مىڭ گەكتار اۋماقتى قۇرايدى.
قازىر قالادا قۇرىلىس جۇمىستارى باستالىپ, ارنايى ەكونوميكالىق ايماق قۇرىلعان. ونىڭ اۋماعى قوناەۆ قالاسىنىڭ ءبىر بولىگىن دە قامتىپ, 96,5 گا اۋماقتى قۇرايدى. PepsiCo سىندى 10-عا جۋىق كومپانيا زاۋىت سالۋعا كىرىسكەن.
ەندى الاتاۋ قالاسىنا ينفراقۇرىلىم تارتۋ جۇمىستارى تالقىلانىپ جاتىر. پرەمەر-ءمينيستردىڭ ورىنباسارى قانات بوزىمباەۆ ينفراقۇرىلىم تارتۋ جۇمىستارى قالانىڭ ءوسۋ نۇكتەلەرىنەن باستالاتىنىن مالىمدەدى.
سونداي-اق, ق. بوزىمباەۆ قالانى دامىتۋ جونىندەگى جوبالاۋ كەڭسەسى قۇرىلىپ, كوممۋنيكاتسيالاردىڭ تەحنيكالىق سحەمالارىن ازىرلەۋ جۇرگىزىلىپ جاتقانىن اتاپ ءوتتى.
«اۋىلدىق اۋماقتاردى دامىتۋعا باعىتتالعان بارلىق مەملەكەتتىك شارالاردى, ونىڭ ىشىندە «اۋىل اماناتى» جانە «اۋىل – ەل بەسىگى» جوبالارىن ۇيلەستىرە وتىرىپ ىسكە اسىرۋ قامتاماسىز ەتىلەدى.
وڭىرلىك دامۋ جونىندەگى جۇمىستى ۇيلەستىرۋ ۇكىمەت جانىنداعى جوبالاۋ كەڭسەسى شەڭبەرىندە جۇزەگە اسىرىلادى», دەدى قانات بوزىمباەۆ.
