فوتو: اشىق دەرەككوزدەن
ر.بەردەنوۆتىڭ جەكە باسىن جاقتىرماۋ سەبەبىمەن جەڭىل ماس كۇيىندە بولعان سوتتالۋشى اڭشىلىق قارۋدى الىپ, اكىمدىك عيماراتىنىڭ ماڭىنا بارعان.
سول جەردە ە. جيەمباي ر. بەردەنوۆتىڭ شىققانىن كۇتكەن. كەشكى توعىزعا جاقىن ۋاقىتتا اكىم ورىنباسارىنىڭ عيماراتتان شىعىپ كەلە جاتقانىن كورگەن سوتتالۋشى, مىلتىعىمەن قاسىنا جۇگىرىپ كەلىپ, قاساقانا قازاعا ۇشىراتۋ ماقساتىمەن بەس رەت وق اتقان. شابۋىلدان ر. بەردەنوۆ اۋىر دەنە جاراقاتتارىن العان.
ر. بەردەنوۆتىڭ قۇلاعانىنا كوز جەتكىزگەن ە. جيەمباي ءومىردى قياتىن سوڭعى وق اتۋعا ارەكەت جاساعان, الايدا وعى تاۋسىلىپ, قارۋ اتىلماي قالعان. وسىدان كەيىن جارالى ر. بەردەنوۆپەن كۇرەس باستالىپ كەتكەن. سول كەزدە ە. جيەمباي قولىنان مىلتىعىن ءتۇسىرىپ العان.
بۇل ساتتە اكىمدىككە تيەسىلى جۇرگىزۋشىنىڭ ءبىرى قىزمەتتىك كولىكپەن ە. جيەمبايدى قاعىپ كەتكەن. وسىلايشا ادامدى قۇقىققا قارسى قاساقانا قازاعا ۇشىراتۋ قىلمىستىق ءىس-ارەكەتىن توقتاتادى.
سوت بارىسىندا قىلمىسقا يتەرمەلەگەن موتيۆتە انىقتالدى.
ايىپتالۋشى مەن جابىرلەنۋشى اراسىنداعى جاعدايعا جەكە باستى جاقتىرماۋ ءموتيۆى سەبەپ بولعان. الايدا ە. جيەمباي بىردەن راديكالدى تاسىلگە بارىپ, ناتيجەسىندە ادامدى قاساقانا ولتىرە جازداعان.
ال ايىپتالۋشى ە. جيەمباي ءوز كىناسىن تولىق مويىنداعان. ايىپتالۋشى ر. بەردەنوۆكە قارسى قىلمىسقا جەكە باسىن جاقتىرماۋ سەبەبىنەن بارعانىن راستادى.
ەرنار جيەمباي تاراپى فاكتىلەردى تەرىسكە شىعارماعان.
جالپى العاندا ە. جيەمبايعا قاتىستى پروتسەسس شىمكەنت قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قالىپتى قىلمىستىق ءىس جۇرگىزۋ شەڭبەرىندە اشىق رەجيمدە جانە باق وكىلدەرىنىڭ قاتىسۋىمەن ءوتىپ جاتىر.
