فوتو: russia.ru
ال قازاقستان اتىنان 9 كوماندا باق سىنايدى. كوماندالار ۇلتتىق جوبا اياسىنداعى جاڭا فورماتتاعى «كەلەشەك مەكتەپتەرى» جەلىسىنىڭ وقۋشىلارىنان قۇرىلعان. ۇلتتىق قۇراماعا ىرىكتەۋدەن ىركىلمەي وتكەن شىمكەنت, الماتى قالالارىنىڭ, سونداي-اق تۇركىستان جانە قىزىلوردا وبلىستارىنىڭ وقۋشىلارى ەنگەن.
«بۇگىندە ەلىمىزدە 300 مىڭنان استام وقۋشىعا ارنالعان جاڭا فورماتتاعى 128 مەكتەپ سالىندى. «كەلەشەك مەكتەپتەرىنىڭ» زاماناۋي STEM-زەرتحانالارمەن جابدىقتالۋى – ءار وڭىردەگى وقۋشىلاردىڭ ينجەنەرلىك ءارى عىلىمي الەۋەتىن دامىتۋعا جول اشتى. ناتيجەسىندە, ولار حالىقارالىق دەڭگەيدە باسەكەگە قابىلەتتى ماماندار رەتىندە قالىپتاسىپ كەلەدى», دەدى قر وقۋ-اعارتۋ مينيسترلىگىنىڭ رەسمي وكىلى مەرەكە امانگەلدىقىزى.
ماكاوداعى چەمپيونات قاتىسۋشىلار ءۇشىن تەك تەحنيكالىق سىن عانا ەمەس, مادەني الماسۋ, الەمدىك تاجىريبە جيناقتاۋ جانە حالىقارالىق ىنتىماقتاستىقتىڭ مۇمكىندىگى. بيىلعى جارىس تاقىرىبى مۇحيت پەن سۋ رەسۋرستارىن زەرتتەۋگە ارنالىپ وتىر. قازاقستاندىق وقۋشىلار وسى باعىتتا وزدەرىنىڭ ينجەنەرلىك شەشىمدەرى مەن عىلىمي جوبالارىن ۇسىنادى.
