ءۇش كەزەڭنەن تۇراتىن «Central Asia DriftShow – 2025» (CADS) جارىسىنىڭ شەشۋشى اينالىمىنا قازاقستانمەن بىرگە تۇركيا, وزبەكستان, قىرعىزستان, جاپونيا, وڭتۇستىك كورەيا, گرۋزيا, يندونەزيا, قىتاي, پولشا, رەسەي جانە بەلارۋستەن كەلگەن كاسىبي دريفتشىلەر سايىسقا ءتۇستى. قاتىسۋشىلار سانىنىڭ ارتۋى مەن گەوگرافياسىنىڭ كەڭەيۋى بۇل جوبانىڭ كولىك سپورتىمەن قاتار, تۇتاستاي ءبىر ايماقتىڭ ىشكى ءتۋريزمىن دامىتۋعا سەرپىن بەرىپ وتىرعانىن اڭعارتادى.
«CADS-ءتى» — تەك تەحنيكالىق شەبەرلىك پەن ادرەنالينگە تولى جارىس دەپ قاراماي, الەۋمەتتىك جەلىلەردە كەڭىنەن تالقىلانىپ, تىكەلەي ەفيرىمەن جاڭا بۋىندى باۋراعان الاڭعا اينالىپ وتىر. سونداي-اق, اۆتوقوزعالىس مادەنيەتى مەن جول قاۋىپسىزدىگىنە دەگەن جاۋاپكەرشىلىكتى ارتتىرۋعا باعىتتالعان بيۋدجەتتەن تىس الەۋمەتتىك ماڭىزدى جوبا دەۋگە تولىق نەگىز بار.
جەكە ينۆەستيتسيا ەسەبىنەن بوي كوتەرگەن «ASP» ارەنا — كورەرمەندەرگە جايلى تريبۋنالارمەن قاتار, سيمۋلياتورلار مەن كارتينگ الاڭدارى, دەمالىس جانە تاماقتانۋ ايماقتارى قاراستىرىلعان. ەڭ باستىسى — ەكستريم الاڭدارىنداعى قاتىسۋشىلاردىڭ قاۋىپسىزدىگى تولىق قامتاماسىز ەتىلگەن.
نۇرپەيىس قونىسباي,
اۆتوموتوسپورتتان مەملەكەتتىك جاتتىقتىرۋشى
