وسكەمەندە 209 نىسان زاڭداستىرىلدى

وسكەمەن. 17 اقپان. وسكەمەندە م ۇلىكتى زاڭداستىرۋ بارىسىنىڭ مالىمەتتەرى بەلگىلى بولدى. بۇل تۋرالى egemen.kz ءتىلشىسى حابارلادى. 2015 جىلدىڭ 13 اقپانىندا تىركەلگەن سوڭعى مالىمەت بويىنشا, وسكەمەن قالاسىنىڭ م ۇلىكتى زاڭداستىرۋ كوميسسياسىنىڭ حاتشىلىعى جالپى كولەمى 1 922 867,0 مىڭ تەڭگە بولاتىن م ۇلىكتى زاڭداستىرۋ بويىنشا 274 ءوتىنىشتى قابىلدادى. ونىڭ ىشىندە تۇرعىنجاي بويىنشا – 89, تۇرعىنجاي ەمەس – 185 (ونىڭ 38-ءى كوممەرتسيالىق) نىسان بار. كوميسسيا وسىعان دەيىن جالپى سوماسى 582 890 مىڭ تەڭگە بولاتىن 40 نىساندى زاڭداستىرۋدان باس تارتسا, جالپى سوماسى 951 482 مىڭ تەڭگەلىك 209 نىساندى زاڭداستىرۋ تۋرالى ءوتىنىمدى قاناعاتتاندىردى. ال سوماسى 388 495 مىڭ تەڭگەلىك 25 نىساندى زاڭداستىرۋ جونىندەگى شەشىمدى قابىلداۋ ۋاقىتى ءالى كەلمەگەن. ءىس جۇزىندە زاڭداستىرىلعان 209 نىساننىڭ ىشىندە 72 ءۇي, 58 كولىكجاي, 65 باۋ-باقشالىق ءۇي, 12 وندىرىستىك نىسان بار. زاڭداستىرۋدان باس تارتقان نىساندار قاتارىندا سوتتا تالاس تۋىپ جاتقان ءبىر نىسان, ەرتىس جانە ءۇلبى وزەندەرىنىڭ سۋدان قورعاۋ بەلدەۋىندە تۇرعان 12 نىسان جانە ۇكىمەت قاۋلىسىمەن بەكىتىلگەن («اقشادان باسقا») م ۇلىكتى زاڭداستىرۋدى جۇرگىزۋدى ۇيىمداستىرۋ ەرەجەسىنىڭ» 13 بابىندا قاراستىرىلعان تالاپتارعا ساي ەمەس 27 نىسان بارلىعى بەلگىلى بولدى. ايتا كەتكەن ابزال, وسكەمەن قالاسى بويىنشا م ۇلىكتى زاڭداستىرۋ كوميسسياسىنىڭ مەكەنجايى: وسكەمەن قالاسى, پروتوزانوۆ كوشەسى, 37ا ءۇي, 2 قابات, 10 كابينەت. تەلەفونى – 8(7232)260-090. كوميسسيانىڭ وتىرىسى ءار اپتانىڭ جۇما كۇنى ساعات 10.00-دە باستالادى. دۋمان اناش. دەرەك: egemen.kz. سۋرەت: kapital.kz.