فوتو: اشىق دەرەككوزدەن
پيلوتتىق جوبا الدىمەن اقمولا جانە پاۆلودار وبلىستارىندا جۇزەگە اسىرىلادى. جوبا شەڭبەرىندە مۇقتاج ازاماتتار, ياعني, اتاۋلى الەۋمەتتىك كومەك (ااك) الۋشىلار ازىق-ت ۇلىكتەردى «الەۋمەتتىك ءاميان» سەرۆيسى ارقىلى ساتىپ الا الادى. بۇل ءۇشىن ولارعا ارنايى تسيفرلىق ۆاۋچەرلەر بەرىلەدى. بۇل ۆاۋچەرلەردىڭ يەلەرى ازىق-ت ۇلىكتى ساۋدا ۇستەمەسى قوسىلماعان ارزان كۇيىندە ساتىپ الادى.
«ازاماتتار QR-كود جانە تولەم كارتوچكاسىن پايدالانا الادى. پيلوتتىق جوبا بارىسىندا قانداي قۇرال اناعۇرلىم تيىمدىرەك ەكەنى انىقتالادى. كومەكتىڭ بۇل ءتۇرى كىرىسى كەدەيلىك شەگىنەن تومەن ازاماتتارعا عانا بەرىلەدى. تەتىك «eGov Mobile» ءموبيلدى قوسىمشاسى نەگىزىندە – «الەۋمەتتىك ءاميان» سەرۆيسى ارقىلى جۇزەگە اسىرىلادى», دەدى ارمان شاكقاليەۆ.
جۇيە ءبىر ايلىق ەسەپتىك كورسەتكىشكە (اەك) سۇيەنە وتىرىپ, وتباسىنىڭ ءاربىر مۇشەسى ءۇشىن ازىق-ت ۇلىك ۆاۋچەرىن اۆتوماتتى تۇردە قالىپتاستىرادى. ۆاۋچەردى جەرگىلىكتى اتقارۋشى ورگاندارمەن بىرلەسىپ انىقتالاتىن سەرىكتەس دۇكەندەردەن جەڭىلدىكتەر الۋ ءۇشىن پايدالانۋعا بولادى. ءساتتى سىناقتان وتكەن جاعدايدا جوبا بۇكىل ەلگە تاراتىلادى.
«بۇگىنگى تاڭدا شەكتى مەرزىمدەر بەلگىلەندى. بيىلعى جىلدىڭ كۇزىندە ءبىز پيلوتتىق جوبا بويىنشا بارلىق جۇمىستاردى جۇرگىزۋىمىز كەرەك. ودان كەيىن بەتا-نۇسقا دايىن بولادى», مينيستر.
