فوتو: ۇكىمەت, تەلەگرام
قارجى مينيسترلىگىنىڭ مالىمەتىنشە, باستاما انىقتامالىقتاردىڭ قايتالانۋىن جويۋعا جانە ساۋدا, كەدەن, مەملەكەتتىك ساتىپ الۋ, بيۋدجەتتى جوسپارلاۋ جانە اتقارۋ سياقتى سالالاردا تاۋارلار ءۇشىن بىرىڭعاي تسيفرلىق ەتالون قۇرۋعا باعىتتالعان. كاتالوگ تاۋاردى وندىرۋشىدەن سوڭعى تۇتىنۋشىعا دەيىن باقىلاۋعا, جارامدىلىق مەرزىمىن باقىلاۋعا جانە كونترافاكتىمەن كۇرەسۋگە مۇمكىندىك بەرەدى.
بۇگىندە ءۇش دەڭگەيلى جىكتەۋ جۇيەسى قۇرىلىپ جاتىر, ولار: جوعارعى دەڭگەي – جوسپارلاۋ جانە ستاتيستيكا ماقساتتارى ءۇشىن, نەگىزگى دەڭگەي – وندىرۋشىلەر تۋرالى ەگجەي-تەگجەيلى اقپارات, تومەنگى دەڭگەي – پارتيالار مەن بىرلىك ونىمدەرىن تاڭبالاۋ.
ۇتك مدق قالىپتاستىرۋ شەڭبەرىندە بارلىق نەگىزگى دەرەكتەر كوزدەرىن بىرتىندەپ قوسۋ جۇرگىزىلەدى. بۇل بولشەك ساۋداگەرلەر مەن ساۋدا جەلىلەرى, ەلەكتروندىق ساۋدا الاڭدارى, فيسكالدىق دەرەكتەر وپەراتورلارى, باقىلاۋ-كاسسالىق ماشينالار, سونداي-اق مەملەكەتتىك جانە كەدەندىك اقپاراتتىق جۇيەلەر, ەلەكتروندىق شوت فاكتۋرالار جانە تاۋاردى ەسەپكە الۋ جۇيەلەرى.
ۇكىمەتتىڭ ءباسپاسوز قىزمەتىنىڭ مالىمدەۋىنشە ەرجان ءبىرجانوۆ ۇلتتىق كاتالوگتى قولدانۋ 2026 جىلدىڭ 1 قاڭتارىنان باستاپ مىندەتتى بولاتىنىن ايتتى. ساۋدا قىزمەتى تۋرالى ءتيىستى زاڭعا قول قويىلدى, باقىلاۋ-كاسسالىق ماشينالاردا NTIN/GTIN كودتارىن قولدانۋ ەرەجەلەرى بەكىتىلدى. بۇگىنگى جاعداي بويىنشا بازادا 15 ملن تاۋار تۋرالى اقپارات بار, ال وعان كۇن سايىن 10 ملن-نان استام چەك بويىنشا مالىمەتتەر كەلىپ تۇسەدى.
ۇلتتىق تاۋارلار كاتالوگى بيۋدجەتتى جوسپارلاۋ جۇيەسى, كەدەن, ەلەكتروندىق شوت-فاكتۋرالار (ەشف), بولشەك ساۋدا جەلىلەرى, فيسكالدىق دەرەكتەر وپەراتورلارى (فدو), باقىلاۋ-كاسسا ماشينالارى (بكم), تاۋاردى ەسەپكە الۋ جۇيەلەرى جانە ەلەكتروندىق ساۋدا الاڭدارى سياقتى نەگىزگى مەملەكەتتىك جانە كوممەرتسيالىق اقپاراتتىق جۇيەلەرمەن ينتەگراتسيالانىپ جاتىر.
