وسكەمەندە «نۇر وتان» پارتياسىنىڭ وكىلدەرى تۇرعىندارمەن كەزدەستى

وسكەمەن. 17 اقپان. «نۇر وتان» پارتياسىنىڭ وسكەمەن قالالىق فيليالىنىڭ ۇيىمداستىرۋىمەن شاھارداعى بىرقاتار ىقشاماۋدانداردىڭ تۇرعىندارىمەن كەزدەسۋ ءوتتى. بۇل تۋرالى egemen.kz ءتىلشىسى حابارلادى. كەزدەسۋگە زاششيتا جانە مۇناي بازاسى ىقشاماۋدانىنىڭ تۇرعىندارى مەن «تەمىر جول كاسىپورنى», №9 ءوزىن-ءوزى باسقارۋ ايماقتىق كەڭەسى, تەمىر جول ارداگەرلەر كەڭەسى, زاششيتا ىشكى ىستەر ءبولىمى جانە باستاۋىش پارتيا ۇيىمدارىنىڭ وكىلدەرى قاتىستى. جيىندا دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسى تالقىلانىپ, «ايقىن تاريف», «Stop-قىلمىس» پارتيالىق جوباسى شەڭبەرىندە باستاۋىش پارتيا ۇيىمدارىنىڭ اتقارىپ جاتقان جۇمىسى تىڭدالدى. – «ايقىن تاريف» پارتيالىق جوباسىن جۇزەگە اسىرۋدا ارنايى پارتيالىق باقىلاۋ بەكەتى كۇندەلىكتى ازىق-ت ۇلىك باعاسىن قاداعالاۋ بويىنشا ءوز جۇمىسىن جۇيەلى اتقارۋدا. ايتالىق, كارتوپ, جۇمىرتقا باعاسى الەۋمەتتىك تۇراقتاندىرۋ قورى دۇڭگىرشەكتەرىندە دۇكەندەگى باعادان 30-40 تەڭگەگە ارزان باعامەن ساتىلادى. باستاۋىش پارتيا ۇيىمدارى بەلسەندىلەرىنىڭ قاتىسۋىمەن كوپتەگەن ءىس-شارالار اتقارىلۋدا. اسىرەسە, مەكتەپ وقۋشىلارى, ارداگەرلەر كەڭەسى, جاستاردىڭ «تيمۋر» كومانداسى بۇگىنگە دەيىن ارداگەرلەر مەن تىل ەڭبەككەرلەرىنە قولعابىس ەتىپ كەلەدى, – دەدى باستاۋىش پارتيا ۇيىمىنىڭ توراعاسى رۋستام اسقار ۇلى. زاششيتا ىقشاماۋدانىنداعى باستاۋىش پارتيا ۇيىمدارىنىڭ وكىلدەرى «Stop-قىلمىس» جوباسى اياسىندا تەمىر جول بولىمشەسى جانە پوليتسيا قىزمەتكەرلەرىمەن بىرلەسىپ, قۇقىقبۇزۋشىلىقتىڭ الدىن الۋ جۇمىستارىن, ارنايى ەرىكتى توپتارمەن رەيد جۇرگىزەتىندىكتەرىن تىلگە تيەك ەتتى. جيىنعا قاتىسقان «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى نۇرلىبەك شەرۋباەۆ ەلباسىنىڭ «نۇرلى جول – بولاشاققا باستار جول» اتتى جولداۋىنىڭ نەگىزگى باعىتتارى مەن الەمدىك داعدارىستان شىعۋ جولدارى جونىندە ايتا كەلىپ, باستاۋىش پارتيا ۇيىمدارىنىڭ پارتيانىڭ نەگىزگى باستاماشىل كۇشى ەكەندىگىن اتاپ ءوتتى. ن.شەرۋباەۆتىڭ ايتۋىنشا, 12 پارتيالىق جوبا شەڭبەرىندە باستاۋىش پارتيا ۇيىمدارى اتقارعان جۇمىستاردىڭ ناتيجەسى الداعى ۋاقىتتا تالقىلاناتىن بولادى. كەزدەسۋ سوڭىندا «نۇر وتان» پارتياسى وسكەمەن قالالىق فيليالى توراعاسىنىڭ ءبىرىنشى ورىنباسارى م.ەكىباسوۆا اتالعان جۇمىستاردىڭ جالعاسىن تاباتىنى جونىندە ايتتى. ال پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ن.شەرۋباەۆ جاڭادان قابىلدانعان مۇشەلەرگە پارتيا بيلەتتەرىن سالتاناتتى تۇردە تابىس ەتتى. دۋمان اناش. دەرەك: egemen.kz. سۋرەت: «نۇر وتان» پارتياسى شقو فيليالى.