«قارۋلى كۇشتەر ارداگەرلەرى» رەسپۋبليكالىق قوعامدىق بىرلەستىگىنىڭ الماتى قالالىق فيليالى حابارلاعانداي, مۇساباەۆپەن قوشتاسۋ ءراسىمى 6 تامىز كۇنى تاڭعى ساعات 09:00-دە الماتىداعى وفيتسەرلەر ۇيىندە وتەدى. بۇدان كەيىن 28 گۆاردياشى-پانفيلوۆشىلار اتىنداعى ساياباقتا ميتينگ بولادى. تالعات مۇساباەۆ كەڭساي زيراتىنا جەرلەنەدى.
ەسكە سالايىق, كەشە 4 تامىز كۇنى عارىشكەر تالعات مۇساباەۆ 75-كە قاراعان شاعىندا ومىردەن ءوتتى. قازاقستان پرەزيدەنتى قاسىم-جومارت توقاەۆ ايگىلى ۇشقىش-عارىشكەردىڭ قايتىس بولۋىنا بايلانىستى كوڭىل ايتتى.
تالعات مۇساباەۆ 1951 جىلى 7 قاڭتاردا فابريچنوە اۋىلىندا (الماتى وبلىسى, جامبىل اۋدانى) دۇنيەگە كەلگەن. ول قازاقستاننىڭ حالىق قاھارمانى, قازاقستان رەسپۋبليكاسى اۆياتسياسىنىڭ گەنەرال-لەيتەنانتى, تەحنيكا عىلىمدارىنىڭ دوكتورى. قازاقستان رەسپۋبليكاسى ۇلتتىق عارىش اگەنتتىگىنىڭ توراعاسى (2007-2016), قازاقستان رەسپۋبليكاسى پارلامەنتى سەناتىنىڭ دەپۋتاتى (2017-2023) بولدى.
