ماراپاتقا يە بولدى

ۇلتتىق بيزنەس-رەيتينگ كەڭەسى قازاق عىلىمي-زەرتتەۋ مادەنيەت ينستيتۋتىنا جوعارى قارجىلىق-ەكونومي­كالىق كورسەتكىشى ءۇشىن «2015 جىلدىڭ سالا كوشباسشىسى» ايتۋلى رەيتينگتىك باعدارلاماسىنىڭ ماراپاتىن تاپسىردى. مادەنيەت ينستيتۋتى الماتى قالاسىنىڭ كاسىپورىندارى اراسىنداعى «الەۋمەتتىك سالىق» اتالىمىندا ەكىنشى ورىندى جانە قازاقستان رەسپۋبليكاسى كاسىپورىندارى اراسىنان «كور­پوراتيۆتىك تابىس سالىعى» اتالىمى بويىنشا سەگىزىنشى ورىن ءۇشىن بىرەگەي بەلگىلەردى الدى. ينستيتۋتتىڭ باس ديرەكتورى ا.حازبۋلاتوۆ «ەكونوميكا ماقتانىشى» وردەنىنە يە بولدى,  ال باس ديرەكتوردىڭ ورىنباسارى ا.تولەش «كاسىبي جەتىستىكتەرى ءۇشىن» مەدالىمەن ماراپاتتالدى. مەكەمەنىڭ باس ەسەپشىسى س.بايبوسىنوۆا «2015 جىل مامانى» اتالىمى سەرتيفيكاتىن الدى. باعدارلاما قۇرىلتاي­شى­لارىنىڭ سوزىنە قاراعاندا, ۇلتتىق بيزنەس-رەيتينگتىڭ كوشباسشىلارى اتانعان جاڭا سيپاتتاعى زاماناۋي كاسىپورىندار ءوز قىزمەتتەرى ارقىلى ەلدىڭ كەلەشەگىن انىق­تايتىن ۇجىمدار بولىپ تابىلادى. ولار بيزنەستىڭ جاڭا ستاندارتتارى مەن زاماناۋي تەحنولوگيالارىن ەنگىزىپ, الەمدىك تاجىريبەنى بەلسەندى تۇردە زەرتتەۋگە جانە جاڭا باستامالارعا ۇمتىلادى. وسى ورايدا مىنانى اتاپ اي­تۋ كەرەك, «2015 جىلدىڭ سالا كوشباسشىسى» رەيتينگتىك باعدار­لاماسىنىڭ جۇلدەلەرى  ستاتيس­تيكالىق سارالاۋ ناتەجەسى بويىنشا سالىق جانە بيۋدجەتكە تولەنەتىن باسقا دا مىندەتتى تولەمدەردى تولەۋ اقپاراتى نەگىزىنە سايكەس تابىستالادى. «ەگەمەن-اقپارات».