ءجاسوسپىرىمنىڭ ءىنىسى اپكەسىنىڭ ۇيدەن ىدىس-اياق الىپ شىققانىن بايقاعان.
بەينەباقىلاۋ جازبالارىن تەكسەرگەن ءتارتىپ ساقشىلارى قىزدىڭ قۇربىسىمەن بىرگە پاۆلودار اۋىلىنا قاراي بەت العانىن انىقتادى. الايدا كەيىن ولاردىڭ قايدا باعىت تۇزەگەنى بەلگىسىز بولىپ شىقتى. ال كەلەسى كۇنى ىزدەستىرۋ جۇمىستارىنا ۇلتتىق ۇلاننىڭ 5512 اسكەري ءبولىمىنىڭ كينولوگى سەرجانت اسلان شۋاتاەۆ تارتىلدى.
اسكەري قىزمەتشى الدىمەن اتا-اناسىنان قىزداردىڭ كيىمدەرىن الىپ, ءيىسشىل مالينۋا تۇقىمداس «ماجور» ەسىمدى يتپەن قالا شەتىندەگى اۋىلدا ىزدەۋ جۇرگىزگەن.
- ءيىسشىل يت كينولوگتى شاھارعا ىرگەلەس جاتقان ايماقتاعى دەمالىس ورىندارىنا, كەيىن دۇكەنگە اپاردى. ساتۋشى ەكى قىزدىڭ دۇكەنگە كىرىپ, بالتا ساتىپ العانىن راستادى. ودان كەيىن ءتورت اياقتى جاۋىنگەر ەرتىس وزەنى جاعالاۋىن ءتىنتىپ, كورشىلەس كوشەدەگى ايالداماعا جول باستايدى. ايالداما تاياعان ساتتە كينولوگ ەكى قىزدىڭ اۆتوبۋسقا وتىرعانىن بايقاپ, دەرەۋ جەدەل توپقا حابار بەردى. پوليتسيا قوعامدىق كولىكتى توقتاتىپ, جاسوسپىرىمدەردى اتا-اناسىنا تابىستادى,-دەپ حابارلادى «شىعىس» وڭىرلىك قولباسشىلىعىنىڭ ءباسپاسوز قىزمەتىنەن.
قىزداردىڭ اتا-اناسى جەدەل ارەكەت ەتكەن اسكەري قىزمەتشىگە العىسىن ءبىلدىردى. سەرجانت شۋاتاەۆ بۇعان دەيىن الماتى وبلىسىنداعى بالتاباي اۋىلىندا ءۇي توناعان ۇرىلاردىڭ ىزىنە ءتۇسىپ, ولاردى جاسىرىنعان نىساننان تاۋىپ العان بولاتىن.
پاۆلودار وبلىسى
