كەشە «استانا» كيشينەۆتە مولدوۆانىڭ «زيمبرۋىن» 2:0 ەسەبىمەن ۇتتى. بۇل ماتچتاعى ەكى گول دا ءبىرىنشى تايمدا سوعىلدى, اۆتورلارى – دجەففري چينەدۋ (18-مينۋت) مەن ۋسمان كامارا (21-مينۋت). «استانا ارەنادا» وتكەن العاشقى ويىن 1:1 ەسەبىمەن تەڭ اياقتالعان ەدى. ءسويتىپ, قوس كەزدەسۋدىڭ قورىتىندىسى بويىنشا ەلوردالىق كلۋب ءۇشىنشى كەزەڭگە شىقتى. جەرلەستەرىمىز ەندى شۆەيتساريانىڭ «لوزانناسىمەن» كۇش سىناسادى.
قوس كەزدەسۋدىڭ قورىتىندىسى بويىنشا فينليانديانىڭ كۋپس كلۋبىن قاپى قالدىرعان الماتىنىڭ «قايراتى» (سىرت الاڭدا – 0:2, ءوز الاڭىندا – 3:0) ۋەفا چەمپيوندار ليگاسى ىرىكتەۋ ءتۋرنيرىنىڭ ءۇشىنشى كەزەڭىندە سلوۆاكيانىڭ «سلوۆانىمەن» كەزدەسەدى. ولار ءوز كەزەگىندە بوسنيانىڭ «زرينسكيىنەن» ء(وز الاڭىندا – 6:2, سىرت الاڭدا – 2:2) باسىم ءتۇستى. ءبىر ايتا كەتەرلىگى, 2013–2015 جىلدار ارالىعىندا «قايراتتى» جاتتىقتىرعان ۆلاديمير ۆايسس بۇل كۇندەرى ءدال وسى «سلوۆان» كلۋبىنىڭ باس باپكەرى قىزمەتىن اتقارادى.
