فوتو: اشىق دەرەككوزدەن
بۇدان بۇرىن, ءجىو ءوسۋى الدىن الا 4,8 پايىزعا باعالانعان. ۇلتتىق ستاتيستيكا بيۋروسىنىڭ مالىمەتىنشە, 2024 جىلعى ەكونوميكالىق ءوسۋ مۇنايعا جاتپايتىن سەكتوردىڭ دامۋى ارقىلى جۇزەگە اسقان.
تاۋار ءوندىرىسى 6,3%-عا ارتىپ (الدىن الا دەرەك -5,5%), قىزمەت كورسەتۋ سەكتورى 4,6%-عا ءوسۋدى كورسەتكەن. وزەكتى فاكتوردىڭ ءبىرى وڭدەۋ ونەركاسىبىندەگى ءوندىرىس كولەمىنىڭ 6,8%-عا (بۇرىن -5,9%) ءوسۋى. بۇل 2011 جىلدان بەرگى ەڭ جوعارى كورسەتكىش. قۇرىلىس سەكتورى 15,3%-عا (بۇرىن - 13,1%), اۋىل شارۋاشىلىعى 13,7%-عا (بۇرىن - 13,3%) ايتارلىقتاي ۇلەس قوسقان. بايلانىستى سالالار دا وڭ سەرپىن كورسەتكەن. ىشكى ساۋدا كولەمى 8,9%-عا (بۇرىن - 8,8%), كولىك پەن قويمالاۋ قىزمەتى 9,4%-عا (بۇرىن - 8,5%) ارتقان.
ەكونوميكا مينيسترلىگىنىڭ مالىمەتىنشە, قول جەتكىزىلگەن ناتيجە ناقتى سەكتوردى قولداۋ, كولىك-لوگيستيكالىق ينفراقۇرىلىمدى دامىتۋ, ينۆەستيتسيالىق بەلسەندىلىكتى ىنتالاندىرۋ مەن قارجى قۇرالىنا قول جەتكىزۋدى ارتتىرۋ شاراسىنىڭ ارقاسىندا جۇزەگە اسقان.
ەكونوميكالىق ساياساتتى كەشەندى ىسكە اسىرۋ ىشكى سۇرانىستى نىعايتۋعا, كاسىپكەرلىك بەلسەندىلىكتىڭ وسۋىنە, وندىرىستىك الەۋەتتى ارتتىرۋعا ىقپال ەتكەن. وسىلايشا, ماڭىزدى سالالارداعى, اسىرەسە, تاۋ-كەن ونەركاسىبىنىڭ (12%) ۇلەسىنەن اسىپ تۇسەتىن ءجىو 12,4%-ى —وڭدەۋ ونەركاسىبىندەگى وڭ سەرپىن ەسەبىنەن ەكونوميكانىڭ ودان ارعى ورنىقتى ءوسۋى مەن ءارتاراپتاندىرىلۋىنا نەگىز جاسالعان.
