اقمولا وبلىسىندا اۋدان اكىمى تاعايىندالدى

كوكشەتاۋ. 17 اقپان. اقمولا وبلىسىنىڭ اكىمى سەرگەي كۋلاگيننىڭ وكىمىمەن جانە اۋداندىق ءماسليحات دەپۋتاتتارى كەلىسىمىنىڭ نەگىزىندە اسقار مەيرامبەك ۇلى قيىقوۆ ەڭبەكشىلدەر اۋدانىنىڭ اكىمى بولىپ تاعايىندالدى. بۇل تۋرالى egemen.kz ءتىلشىسى حابارلادى. ا.قيىقوۆ 1966 جىلى تۋعان, ول 1988 جىلى ك.تيميريازەۆ اتىنداعى ماسكەۋ اۋىل شارۋاشىلىعى اكادەمياسىن عالىم-اگرونوم, 2003 جىلى ا.مىرزاحمەتوۆ اتىنداعى كوكشەتاۋ ۋنيۆەرسيتەتىن ەكونوميست ماماندىعى بويىنشا بىتىرگەن. ەڭبەك جولىن 1988 جىلعى تامىزدا «تسەلينگيپروزەم» كوكشەتاۋ فيليالىندا ينجەنەر بولىپ باستادى. 1989-1999 جىلدارى قاراعاندى وبلىسىنداعى «نەفتەحيميك» كەڭشارىنىڭ ديرەكتورى, ساران قالاسىنداعى «دەن» جشس ديرەكتورى قىزمەتتەرىن اتقاردى. ال 1999 جىلعى اقپان مەن 2015 جىلعى اقپان ارالىعىندا اقمولا وبلىسىنداعى «ميراس 2» شارۋا قوجالىعىنىڭ ديرەكتورى, «لتد ماكينسك پىسپەك ساقينالارى زاۋىتىنىڭ» ديرەكتورى, «ەڭبەك-بەرەكە» جشس ديرەكتورى لاۋازىمدارىن اتقاردى. اقمولا وبلىستىق ءماسليحاتىنىڭ دەپۋتاتى بولىپ سايلانعان. «قۇرمەت» وردەنىنىڭ يەگەرى. باقبەرگەن امالبەك. دەرەك, سۋرەت: egemen.kz.