فوتو: اشىق دەرەككوز
مەكەمە تاربيەلەنۋشىلەرىنە زاماناۋي ءارى قاۋىپسىز جاعداي جاساۋ ءۇشىن عيماراتقا كەشەندى جاڭعىرتۋ جۇرگىزۋ كوزدەلىپ وتىر. بۇل جۇمىس الدىن الا تەحنيكالىق ساراپتاما, جوبالاۋ-سمەتالىق قۇجاتتاما ازىرلەۋ, مەملەكەتتىك ساراپتاما جانە كونكۋرس راسىمدەرىنەن كەيىن, كەلەسى جىلى باستالماق.
«جوندەۋ-قالپىنا كەلتىرۋ جۇمىستارى كەزىندە بالالاردى ۋاقىتشا ورنالاستىرۋ ماسەلەسى قاۋىپسىزدىك تالاپتارى مەن قاجەتتى تۇرمىس جاعدايىن ەسكەرىلە وتىرىپ شەشىلەدى. بالالار بىرىنەن ءبىرى بولىنبەيدى. تاربيەلەنۋشىلەر الماتى قالاسىنداعى قازىر وزدەرى وقىپ جۇرگەن مەكتەپتە ءبىلىم الۋىن جالعاستىرادى. بالالار ءۇيىنىڭ عيماراتىنان بالالاردى قوناەۆ قالاسىنا كوشىرۋ ماسەلەسى قاراستىرىلىپ جاتقان جوق», دەپ حابارلادى الماتى قالاسى اكىمدىگىنىڭ ءباسپاسوز قىزمەتى.
بالالاردىڭ قاۋىپسىزدىگى, ءبىلىم الۋى جانە تۇرمىس جاعدايى الماتى قالاسى اكىمدىگى مەن وقۋ-اعارتۋ مينيسترلىگىنىڭ تۇراقتى باقىلاۋىندا بولادى. ءتيىستى مەكەمەلەر ولاردىڭ قۇقىقتارى مەن جاعدايلارىن قامتاماسىز ەتۋگە جاۋاپتى.
