سۋرەت: anatili.kazgazeta.kz
ەتنوسارالىق قاتىناستار سالاسىنداعى مەملەكەتتىك ساياساتتى ىسكە اسىرۋ اياسىندا جىل باسىنان بەرى رەسپۋبليكا وڭىرلەرىندە اقپاراتتىق-ءتۇسىندىرۋ توپتارى بەلسەندى جۇمىس ىستەپ جاتىر. ولاردىڭ قاتىسۋىمەن ازاماتتاردىڭ قۇقىقتىق جانە ەتنوساياسي ساۋاتتىلىعىن ارتتىرۋعا باعىتتالعان 2 مىڭنان اسا وقىتۋ جانە الدىن الۋ ءىس-شاراسى وتكىزىلدى.
ەتنومەدياتسيا ينستيتۋتىن دامىتۋعا ەرەكشە كوڭىل ءبولىنىپ كەلەدى. ەلىمىزدە كاسىبي مەدياتورلار, زاڭگەرلەر, پەداگوگتار, پسيحولوگتەر, ءدىنتانۋشىلار, جۋرناليستەر مەن قوعام بەلسەندىلەرى كىرەتىن 20-دان اسا ورتالىق پەن كەڭەس جۇمىس ىستەيدى. 2025 جىلدىڭ العاشقى جارتىسىندا ولار 500-گە جۋىق ءىس-شارا وتكىزىپ, وعان 22 مىڭنان اسا ادام قاتىسقان.
بيىلدان باستاپ ەلدەگى 14 جوعارى وقۋ ورنىندا جۋرناليستيكا ماماندىعى بويىنشا وقيتىن ستۋدەنتتەرگە ارنالعان «ەتنوساياسي ساۋاتتىلىق» اتتى جاڭا ءپان ەنگىزىلدى. بۇل جۋرناليستەردىڭ مەديا كەڭىستىكتە ەتنوستىق تاقىرىپتارعا جاۋاپكەرشىلىكپەن قاراۋعا, تۇراقتى مادەنيەتتى قالىپتاستىرۋعا سەپ ىقپال ەتەدى.
ەتنوسارالىق قاقتىعىستاردىڭ الدىن الۋ بويىنشا قازاقستان حالقى اسسامبلەياسى جانىنداعى انالار كەڭەسى بەلسەندى ءرول اتقارادى. بۇگىندە 1 700-دەن اسا وسىنداي ۇيىم جۇمىس ىستەيدى. ولار ادامگەرشىلىك قۇندىلىقتاردى ناسيحاتتاۋعا جانە وتباسىلىق تاربيەنى نىعايتۋعا باعىتتالعان جوبالاردى جۇزەگە اسىرادى. سونىمەن قاتار جارتى جىل ىشىندە 300-دەن اسا ماسەلەنى قاراستىرىپ, 200-دەن اسا ۇسىنىس جاساعان اقساقالدار كەڭەسى دە ءتيىمدى جۇمىس ىستەپ جاتىر.
«جومارت جان» ورتالىقتارىندا 340-تان اسا مەتسەنات, ۆولونتەر مەن قوعام قايراتكەرى بىرىگىپ, قايىرىمدىلىق باعىت بويىنشا جۇمىس ىستەيدى. ولار جىل باسىنان بەرى 500-دەن اسا ءىس-شارا ۇيىمداستىرىپ, جالپى سوماسى 304 ملن تەڭگەدەن اسا كومەك كورسەتكەن.
ازاماتتىق جاۋاپكەرشىلىك مادەنيەتىن قالىپتاستىرۋعا ەكولوگيالىق اكتسيالارعا قاتىسۋشىلار دا ايتارلىقتاي ۇلەس قوسىپ كەلەدى. «تازا قازاقستان» جالپىۇلتتىق باستاماسى اياسىندا 300 مىڭنان اسا ەتنومادەني بىرلەستىك وكىلدەرى, جاستار مەن ۆولونتەرلەر قاتىسقان ءتۇرلى ءىس-شارالار ۇيىمداستىرىلدى.
