ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ ارحەولوگى امانگەلدى مۇعاۋ ۇلىنىڭ ايتۋىنشا, بۇل مونەتالارداعى بەدەرلى تاڭبالاردى نۋميزماتيكا پروفەسسورى پاۆەل پەتروۆ زەرتتەگەن. كۇمىس تيىندار جوشى ۇلىسى كەزىندە قۇرىلعان التىن وردا مەملەكەتىنىڭ بيلەۋشىسى مەڭگۋ-تەمىر حان تۇسىندا قۇيىلعان اقشا توبىنا جاتادى.
«بۇل تيىندار بەلگىلى نۋميزماتيك عالىم پاۆەل پەتروۆتىڭ پايىمداۋىنشا, ءحىىى عاسىردىڭ ەكىنشى جارتىسىنا سايكەس كەلەدى. قۇيما اقشانىڭ ءبىر بەتىندە مەڭگۋ-تەمىر حاننىڭ تاڭبالارى بار. ال ەكىنشى جاعىندا قىتاي يەروگليفتەرى بەينەلەنگەن. مۇنىڭ سەبەبىن شىعىسحاننان تاراعان قۇبىلاي ۇرپاقتارى مەن شاعاتاي ۇلىسى اراسىنداعى قاقتىعىستاردا قولعا تۇسكەن تۇتقىن نومۋحانمەن بايلانىستىرۋعا بولادى», دەدى امانگەلدى مۇعاۋ ۇلى.
تاريحي قالاشىقتاعى قازبا ورنىنان كونە ىدىس تابىلىپ وتىر. مۇنداي ىدىس تاعارا دەپ اتالادى.
وبلىستىق تاريحي-مادەني مۇرالاردى زەرتتەۋ ورتالىعىنىڭ باسشىسى تولىباي دوستىباەۆتىڭ پىكىرىنشە, كەيىنگى جىلدارى اتالعان قالاشىقتى زەرتتەۋگە دەن قويىلعان. وسى كەزگە دەيىن قالاشىقتىڭ 53 گەكتار اۋماعى تولىقتاي قورشالىپ تۇر. الداعى جىلدارى مۇندا اشىق اسپان استىنداعى مۋزەي جاساقتالادى.
«بيىل تاريحي قالاشىقتاعى ارحەولوگيالىق زەرتتەۋ جۇمىسىنا ح.دوسمۇحامەدوۆ اتىراۋ ۋنيۆەرسيتەتىنىڭ ستۋدەنتتەرى تارتىلدى. كونە قالاشىقتىڭ 500 شارشى مەتر اۋماعىنان تابىلعان جادىگەرلەر وقۋ ورداسىنىڭ زەرتحاناسىندا زەرتتەلەدى», دەيدى ت.دوستىباەۆ.
اتىراۋ وبلىسى
